Парвина Саидова дар озмуни «Маликаи зебои ҷаҳон» барандаи ҷоизаи «Missis International 2016» шуд.

0
1 203 просмотров

Парвина Саидова, ки дар озмуни «Маликаи зебоии ҷаҳон» (Miss World Beauty) дар шаҳри Остона Тоҷикистонро намояндагӣ мекард, барандаи ҷоизаи «Missis International 2016» шуд ва тарроҳи маъруфи Фаронса Пиере Карден ӯро ба Париж даъват кард.

Дар озмуни Остона беш аз 120 намояндаи кишварҳои гуногуни ҷаҳон ширкат доштанд.

parvina

Парвина Саидоваи 27-сола, модари панҷ фарзанд борҳо либоси миллии тарроҳони тоҷикро дар озмунҳои Осиёи Марказӣ ва Аврупо муаррифӣ кардааст.

Саидова борҳо бо либосҳои миллии тарроҳони тоҷик ба ҳайси модел рӯи саҳнаи кишварҳои Осиёи Марказӣ ва Украина қадам задааст. Вай ду соли пеш аз ҷаҳони мӯд дур буд ва тасодуфан дар мадди назари Хуршед Сатторов, тарроҳи тоҷик афтод.

Парвина Саидова то замони иштирок дар клипи Ҷӯрабеку Ҷонибек Муродовҳо ва Садриддини Наҷмиддин ва нашри чанд аксаш дар Фейсбук як зани хонанишин буд ва рӯзаш бо тарбияи фарзандон сипарӣ мешуд. Аммо марги шавҳар дар ду соли пеш зиндагии ин зани ҷавонро комилан тағйир дод ва наздикон ба Парвина барои раҳо шудан аз андӯҳ ва зиндагии хубу осуда тавсия доданд, то аз симои зебо ва истеъдодаш кор бигирад.

Ҳамин тариқ, ӯ барои муваффақ шудан дар ин роҳ талоши зиёд накард ва танҳо нашри чанд аксаш дар шабакаи Фейсбук ӯро дар бозори реклама ва филмсозӣ “серхаридор” кард. Парвина мегӯяд, сирри муваффақияташ дар бозори клипсозӣ ва нақшофарӣ маҳз чеҳраи зебо ва қаду қомати расояш аст, ки баъд аз таваллуди панҷ фарзанд ҳам зиёд тағйир накардааст.

Манбаъ: http://www.centralasian.org/

Нет комментариев

Также рекомендуем

«Хорпуштаку» исполнилось 90 лет

Таджикскому сатирическому журналу «Хорпуштак» исполнилось 90 лет. Как сообщили НИАТ «Ховар» в пресс-центре Минкултьтуры РТ, к 90-летию со дня основания журнала «Хорпуштак» намечено издание красочной ...