Паёми табрикии Раҷаббой Аҳмадзода ба муносибати Рӯзи Парчами давлатии Ҷумҳурии Тоҷикистон

0
305 просмотров

Ҳамдиёрони гиромӣ!

Шуморо бо Рӯзи Парчами давлатӣ, ки яке аз санаҳои муҳим ва саҳифаҳои дурахшони даврони соҳибистиқлолии кишвар ба ҳисоб меравад, самимона муборакбод менамоям.

Парчам яке аз рукнҳои муҳими давлатдории мо, рамзи ҳаёти осоишта, муттаҳидӣ ва ҳувияти миллӣ буда, арҷгузорӣ ба Парчами давлатӣ василаи тарбия дар рӯҳияи ифтихор аз давлатдории миллӣ ва ҳифзи арзишҳои таърихиву фарҳангии халқамон мебошад.

Парчам мояи ифтихори миллӣ ва арзишмандтарин муқаддасоти миллӣ пазируфта шуда, рамзи ҳастӣ ва пойдории давлат, ормони мардуми соҳибтамаддуни мост, ки афрохта шудани он аз давлати соҳибистиқлолу соҳибватанӣ башорат медиҳад. Ин рукни муҳими давлатдорӣ моро ба ҷаҳониён чун давлати соҳибихтиёр муаррифӣ намуд.

Афрохта шудани Парчами давлатии Ҷумҳурии Тоҷикистон ва ба расмият шинохтани давлатҳои дунё эътибори кишвари моро дар арсаи байналмилалӣ боло бурд. Он моро муттаҳид сохт ва барои ба даврони нави таърихӣ — ҳазораи сеюм бо қадами сулҳ ворид гардидан мусоидат намуд.

Халқи соҳибтамаддуни мо зери ливои сулҳу ваҳдат — Парчами давлатӣ раванди бунёдкориву созандагиро оғоз намуда, дар роҳи бунёди ҷомеаи демократӣ, ҳуқуқбунёд, дунявӣ ва ягона устуворона қадам мениҳад.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намуданд: «Баъди қабули Парчам миллати мо онро ҳамчун ливои озодиву истиқлол ва воситаи сарҷамъиву ба ҳам омадан ба даст гирифта, давлати ҷавони худро аз вартаи ҳалокат ва миллатро аз парокандагӣ раҳоӣ бахшид ва дар он шабу рӯзҳои тақдирсоз таҳия ва қабули Парчам нишони азму иродаи устувори мардум барои сулҳу оромӣ, суботи сиёсӣ ва ободии кишварамон гардид.

Дар рӯзҳои таърихӣ қабул гардидани Парчами давлатӣ тавонист, эҳсоси гарми ватандориро дар кошонаи қалби ҳар фарди соҳибдил бедор созад ва моро ба фардои дурахшон раҳнамоӣ намояд».

Мардуми шарифу сарбаланди мо, бахусус насли ояндасози миллат, бояд аз Парчами давлати худ ифтихор кунанд ва онро чун рамзи пойдориву бақои мамлакат эҳтиром намоянд.

Итминон дорам, ки халқи меҳнатқарини вилоят баҳри татбиқи ҳадафҳои стратегӣ, баланд бардоштани обрӯю нуфузи кишвар дар арсаи ҷаҳонӣ ва дар зери Парчами давлатии Ҷумҳурии Тоҷикистон бо шукргузорӣ аз давлати осоишта ва соҳибистиқлол ҷиҳати истиқболи сазовори ҷашни 30 — солагии Истиқлолияти давлатии Ҷумҳурии Тоҷикистон дастҷамъона саъйу кӯшиш менамоянд. Бори дигар кулли мардуми вилоятро ба ифтихори Рӯзи Парчами давлатии Ҷумҳурии Тоҷикистон табрик намуда, ба ҳамагон хонаи обод, тандурустиву хушбахтӣ орзу менамоям.

Иди умумихалқӣ — Рӯзи Парчами давлатӣ муборак, ҳамдиёрони азиз!

Манбаъ: sugd.tj

Нет комментариев

Также рекомендуем

ҶТ ва ҶИЭ бо ҷиноятҳои муташаккил мубориза мебаранд

Тоҷикистон ва Эрон ҳамкориро дар самти мубориза алайҳи ҷиноятҳои вазнину муташаккилона, ки дорои хусусияти фаромиллианд, тақвият мебахшанд. Дар ин росто палатаи поёнии Парлумони Тоҷикистон-Маҷлиси намояндагон ...
%d такие блоггеры, как:

Сообщить об опечатке

Текст, который будет отправлен нашим редакторам: