Пирӯзии Аниса Собирӣ дар ҷашнвораи синамо дар Ню-Йорк

0
945 просмотров

Пирӯзӣ дар ҷашнвораи синамо дар Ню-Йорк ба коргардони ҷавон имкон медиҳад, ки филми “Нолаи танбӯр”-ро дар Амрико намоиш диҳад.

Коргардони тоҷик Аниса Собирӣ дар ҷашнвораи синамои Imagine This Women’s International Film Festival дар Ню-Йорк соҳиби мукофот гардид.

Ҳайати доварон ва мунаққидон ба филми “Нолаи танбӯр”-и коргардони ҷавон баҳои баланд доданд ва Аниса дар номинатсияи коргардони беҳтарин пирӯзиро ба даст овард.

Картинки по запросу Аниса Собирӣ

Дар ин бора худи Аниса дар саҳифаи фейсбукиаш хабар додааст.

Ҷоизаи бадастовардааш ба Аниса имкон медиҳад, ки филми “Нолаи танбӯр”-ро дар Амрико намоиш дода, даромад ба даст орад.

Бояд зикр кард, ки ба Imagine This Women’s International Film Festival 20 коргардони дигар низ кори худро пешкаш карда буданд.

Картинки по запросу Аниса Собирӣ

Ҷашнвора ҳамасола бо мақсади дастгирии занони ҳунарманд баргузор карда мешавад.

Ҳайати доваронро коргардонҳо, мунаққидон ва филмсозҳои амрикоӣ намояндагӣ мекарданд. Барномаи фестивал аз якчанд номинатсия: беҳатрин филми кутоҳ, беҳтарин кори операторӣ, коргардони беҳтарин, беҳтарин филми мазҳакавӣ, беҳтарин филми ҳуҷҷатӣ ва беҳтарин аниматсия иборат буд.

Нахустнамоиши филми “Нолаи танбӯр” 8 декабр дар шаҳри Душанбе баргузор мегардад ва баъди дар кинотеатри “Кайҳон” намоиш дода мешавад.

Похожее изображение

Ёдовар мешавем, Аниса Собирӣ чанде пеш гуфта буд, ки филми ӯ дар ҷашнвораи Пуссании Куриёи Ҷанубӣ низ намоиш дода мешавад.

Филми «Нолаи танбӯр» дар студияи «Тоҷикфилм» наворбардорӣ шуда, дар бораи ба камол расидани навраси 12-сола аввали солҳои 90-ум ҳикоят мекунад.

Директори филм Исмоил Зебоӣ буда, мусиқии онро Толиб Шаҳидӣ эҷод кардааст.

Ин филми дуюми Аниса мебошад. Филми нахустини ӯ «Искупление» (Кафорат) тобистони соли 2017 дар доираи барномаи озмуни филмҳои кӯтоҳмуддат дар «Кинотавр»-и Русия намоиш дода шуд, ки замони таҳсилаш дар мактаби кинои Маскав ба навор гирифта шудааст.

Манбаъ: Спутник Тоҷикистон

Нет комментариев

Также рекомендуем

89-я премия «Оскар»: Первые награды

27 февраля 2017 года в 4.30 утра по Москве в Голливуде начали называть тех, кто получил премию американской киноакадемии «Оскар» за 2016 год. Церемония вручения ...

Сообщить об опечатке

Текст, который будет отправлен нашим редакторам: