Писараки 6-сола соҳиби унвони «Шаҳрванди фахрӣ» шуд

0
312 просмотров

Писараки 6-сола аз Иёлоти Муттаҳидаи Амрико соҳиби унвони «Шаҳрванди фахрӣ» гардид. Чунин унвони баландро вай барои амали некаш ба даст овард. Ӯ сари роҳ сумкаеро ёфт, ки дар дохили он маблағи калон – 2 ҳазор доллар буд.

Ин ҳодиса дар шаҳри Арлингтони штати Массачусетси ИМА рӯй дод. Писарак бо ҳамроҳии падараш масъулияти баланди шаҳрвандиро дарк намуда, дар бораи дарёфти ғайриоддиашон ба полис хабар доданд. Гуфтанд, ки ҳангоми бозгашт аз мактаб дар роҳ сумкаеро ёфтанд.

Маълум карда шуд, ки сумкаи пулдорро чанде қабл соҳиби тарабхонаи мексикоӣ гум кардааст ва ба полис муроҷиат намудааст.

Кормандони мақомоти қудратӣ, яъне полиси шаҳри Арлингтони Амрико шаҳрвандони ҳушёр — писарак ва падари ӯро бо унвони баланди «Шаҳрванди фахрии Арлингтон» сарфароз гардониданд. Соҳиби тарабхона бошад, падар ва писарро бо тӯҳфаҳои арзишнок қадр намуд.

 

Маълумот аз сарчашмаҳои кушод дастрас гардид.

Нет комментариев

Также рекомендуем