Пластилинҳои ранга барои кӯдакон

0
124 просмотров

Олами кӯдакон басо рангину гуворост.  Агар гурӯҳе бо тасвирҳои ҷолиб машғул бошанд, бархе ба сохтани чизҳои гуногун машғул мешаванд, Ҳамчунин волидоне, ки бештар бо кор машғул ҳастанд, ба дасти кӯдак додани пластилинро барои овора шудан  авло медонанд.  Бачаҳо низ дар навбати худ ба истифодаи  пластилинҳои ранга шавқ доранд.  Дар ин хусус низ мехостем чанд маслихатҳои хешро дода бошем:

Харидори кардани пластилине, ки дар бастаи равғанандуд ҷой дода шудааст, қатъиян манъ мебошад. Ин аз он шаҳодат медиҳад, ки пластилини дар дохили чунин баста ҷойдодашуда аз пасмондаҳои нафт тайёр карда шудааст.

Пластилинҳои безарарро аз гил ва муми тозакардашуда омода месозанд.  Аммо ин навъ пластилинҳо низ дар ниҳоди худ зарар доранд. Дар назар дошта бошед, ки ранги баланд гувоҳи дар таркиби пластилин ҷой доштани моддаҳои аз ҳад зиёди кимиёвӣ мебошад. Боз як ҳилла  дар бӯй аст.  Ҳар қадар, ки пластилин хушбӯй бошад ва аз он бӯйи хуши тармеваву гулҳо ба машом расад, ҳамон қадар хоҳиши таъми вайро чашидани кӯдак афзун мегардад. Яъне хушбӯйӣ боис мегардад, то истифодабаранда аз рӯи кунҷкобиаш таъми онро чашад. Хуб мешуд, агар бӯйи пластилин андак ноаён бошад ва таркиби он  аз унсурҳои набототи бахусус, гандумӣ, биринчӣ, крахмал ва рангҳои сунъӣ иборат бошад.

Ҳангоми харидани пластилин ҳамчунин бояд сахтии онро аз назар гузаронид. Агар пластилин сахт бошад, вай аз ӯҳдаи иҷрои вазифааш – инкишофи мушакҳои кӯдак баромада наметавонад.  Бинобар ҳамин чунин пластилинро набояд харидорӣ кард. Пластилини баландсифат дастро дӯст медорад ва ҳангоми бо он кор кардан ҳатман мулоим мешавад.  Волидони азиз, ин буд, чанд маслиҳати мо барои ҳимояи фарзандони шумо. Бо мо бошед, дар бахш маслихатҳои ҷолибу хабарҳои гуногунранг шуморо интизор аст.

Нет комментариев

Также рекомендуем