Илҳом Алиев Эътиборномаро қабул намуд

0
761 просмотров

Сафири Фавқулода ва Мухтори Ҷумҳурии Тоҷикистон дар Ҷумҳурии Озарбойҷон Рустам Солӣ чанд рӯз қабл ба Президенти Ҷумҳурии Озарбойҷон Илҳом Алиев Эътиборнома супорид. Пас аз маросими супоридани Эътиборнома мулоқоти Президенти Ҷумҳурии Озарбойҷон бо Сафири Ҷумҳурии Тоҷикистон доир гардид, ки зимни он Сафири кишвари мо ба Президенти Ҷумҳурии Озарбойҷон дуруду паёми Президенти Ҷумҳурии Тоҷикистон, Ҷаноби Олӣ Эмомалӣ Раҳмонро расонида, таъкид намуд, ки Сарвари давлати мо ба кишвар ва мардуми Ҷумҳурии Озарбойҷон сулҳу оромӣ, рушду пешрафт ва рафоҳу шукуфоиро орзу карда, хостори густариши ҳарчи бештари муносибатҳои дӯстӣ ва ҳамкорӣ байни ду кишвар мебошад. Президенти Ҷумҳурии Озарбойҷон зимни арзи дуруд ба Президенти  Ҷумҳурии  Тоҷикистон  Эмомалӣ Раҳмон ба кишвар ва мардуми мо сулҳ ва пешрафт орзу карда, изҳори умедворӣ намуд, ки густариши муносибатҳои дӯстӣ ва ҳамкорӣ байни Тоҷикистон ва Озарбойҷон дар заминаҳои гуногун идома хоҳад ёфт.

 

Манбаъ: сомонаи расмии АМИТ “Ховар”

 

 

Нет комментариев

Также рекомендуем