Дар бораи ҷалб намудани роботҳо ба кори пулис аз хадамоти матбуотии идораи мулиси Дубай хабар додаанд. Пулиси шаҳр дар намоиши калони технологии GITEX иштирок дошт, ки дар рафти он, дар яке аз лавҳаҳои деворӣ робот-пулис намоиш дода шуд, хабар медиҳад РИА «Новости».
Пулиси Дубай нақша дорад, ки аллакай дар ояндаи хеле наздик аз роботҳо истифода барад. Зеро дастони механикии мошинҳои «доно» дар кори пулис ҳатман лозим хоҳанд шуд. Дар даври аввал нақша доранд, ки роботҳоро барои гузоштани мӯҳр дар ҳуҷҷатҳо истифода баранд, зеро мошинҳо қодиранд, ки ба кормандони фаромӯшхотири пулис, ки ба кори дигаре ногаҳон диққаташон банд мешавад, дар бораи корҳо ва лаҳзаҳои муҳими кор хотиррасон шавад. Инчунин барои қайд кардани баъзе вайроншавиҳои низоми кор фаъолияти роботҳо дар аулис мувофиқи мақсад хоҳад буд.
Сарҳадбонони Дубай низ дар намоиш аз пулиси шаҳр камӣ надоштанд. Дар худи ҳамон намоишгоҳ онҳо гуфтанд, ки фурӯдгоҳҳои байналхалқиро бо системаи донои фарқ карда тавонистани чизҳои аз қайди расмӣ нагузашта муҷаҳҳаз карданианд. Технологияи нав барои дида баромадни борҳо истифода бурда хоҳад шуд.
Дастгоҳҳои роботикунонидашуда аллакай кайҳо боз аз ҷонибӣ низомиён истифода бурда мешаванд. Бино бар ин аниқ равшан аст, ки идораҳои қудратии давлатҳои дигар низ дар ин ҷода ақиб монданӣ нестанд ва дар ҷойи корӣ технологияҳои навро ворид карданианд. Дар Русия ҳам роботҳоро дар ин самт истифода бурданианд. Корхонаҳое, ки ба РОСТЕХ шомиланд, бо коркард намудани воситаҳои автоматикунонидашуда машғул мебошанд. Зеро ин воситаҳои автоматикунонидашуда барои амалӣ намудани вазифаҳои ҳаррӯза, ҳифз ва назоратбарӣ лозим мешаванд. Гуфта мешавад, ки ба наздикӣ ин гуна дастгоҳҳо (дронҳои бесарнишин, роботҳо-аватарҳо ва дигар техникаҳои махсусгардонидашуда) натанҳо дар ҳарбӣ, балки дар Вазорати коорҳои фавқуллода низ ба кор бурда хоҳанд шуд.
Сарчашма: http://hi-news.ru/technology/policiya-dubaya-nachnyot-ispolzovat-robotov.html
Нет комментариев