Путин ҷавони тоҷикро дар фестивал дастгирӣ намуд

0
596 просмотров

Барои ширкат дар Ҷашнвораи ҷаҳонии ҷавонон ва донишҷӯён дар Сочӣ номзадии волонтери тоҷик Мирзомуҳаммад Каримовро худи раисҷумҳури Русия Владимир Путин тасдиқ кардааст

Раисҷумҳури Русия Владимир Путин ба як довталаби тоҷик- Мирзомуҳаммад Каримов  кӯмак кардааст, ки ба 19-умин ҷашнвораи ҷаҳонии ҷавонону донишҷӯён роҳхат гирад.

Ин маросим, ки дар он зиёда аз 25 ҳазор ҷавонони фаъол аз 180 кишвари ҷаҳон ширкат меварзанд, барои ин ҷавони тоҷик “рӯйдоди сол” гардид.

“Ширкат дар ин гуна маросими бузург ба ҳайси довталаб — ин орзуи ман буд.  Илова бар ин соли аввал нест, ки фаъоли иҷтимоӣ шуда кор мекунам: дар Донишгоҳи федералии Урал таҳсил дорам ва ба Иттифоқи касабаи донишгоҳ фаъолият мебарам. Баробари ин  дар созмони ҳамшаҳриёни “Тоҷикистон” ба ҳайси довталаб кор мекунам. Барои ҳамин бо пешниҳоди ариза ба ин ҷашнвора итминон доштам, ки маро ба ҳайси довталаб интихоб мекунанд, аммо ҳамааш баръакс шуд”,- нақл мекунад ин ҷавон.

Ин ҷавони фаъоли тоҷик аз озмун гузаштааст, дар ду мусоҳиба ширкат варзидааст ва дар ба рӯйхати волонтёрон ворид шудааст, аммо дар охир вайро аз он гурӯҳ берун карданд.

“Пас аз ин қазия ман сахт рӯҳафтода шудам ва ба номи раисҷумҳури Русия Владимир Путин мактуби калоне навиштам”,- мегӯяд ин довталаб.

Ба гуфтаи Мирзомуҳаммад вай худ бовар надошт, ки ин мактаби вай ба ӯ кӯмак мерасонад, аммо пас аз ду рӯз ба вай ҷавоб навиштанд: раисҷумҳури Русия ин масъалаи вайро дар тартиби муайян дида мебарояд.

“Вақте ки аз Маркази Волонтерони Урал ба ман занг заданд, хурсандии ман ҳадду канор надошт. Ба ман хабар доданд, ки маро дубора ба сафи довталабони ин ҷашнвора ворид карданд”,- мегӯяд Мирзомуҳаммад Каримов.

Манбаъ: http://m.sputnik-tj.com/

Нет комментариев

Также рекомендуем

Моҳи шарифи Рамазон бо радиои «Тироз»

Моҳи Рамазон  моҳи раҳмату мағфират, файзу баракат мебошад. Он тамоми мардуми қишри заминро, аз ҷумла мусалмононро  ба сабру таҳаммул, некиву накӯкорӣ, қаноатмандӣ ва хайру саховат ...