Рӯзномаи The Independent дар шакли қоғазӣ ихиринбор аз чоп баромад.

0
101 просмотров

Санаи  26-уми март, рӯзи Шанбе рӯзномаи бритонёии  The Independent маротибаи охирин дар намуди қоғазӣ аз чоп баромад. Дар ин бора дар сомонаи рӯзнома хабар додаанд.  Минбаъд рӯзномаи мазкур пурра ба шаклӣ фаъолияти рақамӣ мегузарад. Нашри рӯзномаи  The Independent дар рӯзҳои истироҳатӣ аз санаи 20-уми март боздошта шудаст.

Сармуҳаррири рӯзнома The Independent Лиза Марквэлл ба ҳамаи он рӯзноманигороне, ки қариб дар дамоми 30 сол барои ба чоп расидани рӯзнома заҳмат кашидаанд, изҳори сипос ва миннатдорӣ баён намуда, қайд кард, ки қатъ гардидани чопшавии рӯзнома дар шакли қоғазӣ ин маънои ба охир расидани фаъолияти рӯзномаро надорад.

Моҳи феврали соли ҷорӣ соҳиби нашриёт Евгений Лебедев, писари тоҷири русс Александр Лебедев, элон кард, ки минбаъд рӯзномаи The Independent дар шакли нав ба табъ мерасад. «Саноати рӯзномабарорӣ тағйир меёбад ва ин дигаргунӣ дар доираи хонандагони он низ ба вӯҷуд меояд. Ин тағйиротҳо ба мо нишон медиҳанд, ки оянда дар тиҷорати рақамӣ аст. Ин қарордод бренди Independent-ро нигоҳ медорад ва инчунин ба мо имкон медиҳад, ки маблағгузориро барои сарчашмаи баландсифат идома диҳем» – гуфтааст ӯ.

Рӯзномаи The Independent дар соли 1986-ум аз ҷониби се нафар собиқ рӯзноманигорони The Daily Telegraph таъсис дода шуда буд, ки инҳо  Андреас Уиттам Смит, Стивен Гловер ва Мэтю Симондс буданд. Дар соли 2010-ум нашриёти мазкурро тоҷири русс Александр Лебедев харидорӣ кардааст. Пас аз 4 сол дар Воситаи ахбори омма овозаҳое паҳн гардиданд, ки рӯзномаи мазкурро гӯё мефурӯхтаанд. Дар он вақт Лебедев гуфта буд, ки ин овозаҳо ба тарсу ҳароси рақибони дар таҳлукаафтода, ки аз зиёдшавии шумораи нашрии  The Independent мушавваш гардида буданд, алокамандӣ дорад ва ягон асосӣ воқеи надорад.

 

Нет комментариев

Также рекомендуем

Лимӯ шунавоиро беҳтар менамояд

Лимӯ воситаи хуби мардумӣ аз бемориҳои гуногун мебошад. Онро на танҳо дар тиб, балки дар таббохӣ низ васеъ истифода мебаранд. Истифодаи лимӯро дар тиб ҳамчун ...