Рафти амалишавии Лоиҳаи «ХАРИТАИ ЭКОЛОГӢ»-и шаҳри Хуҷанд

0
507 просмотров

ШТРР “Тирози Ҷавонӣ” ва Медиапортали “Тироз” Лоиҳаи мултимедиявӣ (бисёррасонавӣ)-и “Харитаи интерактивии бакҳо ва қуттиҳои партов, нуқтаҳои қабули фурӯзонакҳои каммасраф, макони оббозӣ (пляж) ва ҳоҷатхонаҳои ҷамъиятии шаҳри Хуҷанд”-ро бо дастгирии ҳамаҷонибаи Мақомоти иҷроияи ҳокимияти давлатии шаҳри Хуҷанд, шахсан Раиси шаҳри Хуҷанд мӯҳтарам Шариф Шарифзода амалӣ карда истодааст.

binoi-mi-d-i-hu-and

Ҳанӯз 8-уми октябри соли равон дар толори Мақомоти иҷроияи ҳокимияти давлатии шаҳри Хуҷанд бо иштироки Раиси шаҳр мӯҳтарам Шарифзода Шариф Файз ва бо иштироки роҳбарони кумитаву маҳаллаҳо ва сохторҳои дахлдор, муаррифии лоиҳа баргузор гардида буд.

Роҳбари лоиҳаи мазкур Хуршед Ӯлмасов мақсади лоиҳаро ба таври муфассал баён намуда, гуфт, ки лоиҳа дар ҳамкории ВАО бо аҳолӣ ва сохтору идораҳои дахлдори Мақомоти иҷроияи ҳокимияти давлатии шаҳри Хуҷанд амалӣ мегардад ва он барои иттилоотонии саривақтии шаҳрвандон ва тарбияи экологии насли наврас ва ҷавонон равона гардидааст.

Пас аз чанд рӯз бо супориши Раиси шаҳри Хуҷанд ҷаласаи нахустини гурӯҳи кории лоиҳа дар назди муовини Раиси шаҳр Умедахон Муродӣ доир гардид. Дар он зикр шуд, ки барои саривақт амалишавии лоиҳа Нақшаи корӣ тартиб дода шуда, барои тасдиқ ба Раиси шаҳри Хуҷанд Шариф Шарифзода бояд пешниҳод гардад.

Ҳамин тавр, аз ҷониби гурӯҳи корӣ Нақшаи корӣ мураттаб гардида, барои тасдиқ ба Раиси шаҳр пешниҳод карда шуд. Санаи 19-уми октябри соли 2016 Нақшаи корӣ, ки иборат аз 19 номгӯи чорабиниҳо мебошад, аз ҷониби Раиси шаҳри Хуҷанд Шариф Шарифзода тасдиқ  ва ба масъулони соҳа, сохтору бахш ва шӯъбаҳои МИҲД-и шаҳр фиристода шуд.

Дар асоси Нақшаи корӣ то ба имрӯз аз ҷониби гурӯҳи корӣ корҳои зерин ба сомон расонида шуданд:

Лоиҳаи «ХАРИТАИ ЭКОЛОГӢ»-и шаҳри Хуҷанд коркард, муаррифӣ ва мутобиқат карда шуд. 10 маҳалла ва микроноҳия-минтақаҳои таҷрибавӣ (пилотӣ)-и шаҳр интихоб ва тасдиқ гардиданд, ки инҳо: маҳаллаҳои Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мебошанд.

eko-harita

 

Санаи 20-уми октябри соли равон тафсири намоишии (ДЭМО-версии) «ХАРИТАИ ЭКОЛОГӢ»-и шаҳри Хуҷанд дар Интернет, яъне саҳифаи асосии Медиапортали “Тироз” ба таври санҷишӣ ҷойгир карда шуд. Яъне, бахши махсус бо номи “Эко-Харитаи Хуҷанд” (“Эко-Карта Худжанда”) фаъол гардид.

partovgo-3

Тибқи Нақшаи корӣ аз 20-ум то 23-юми октябр дар ҳамкорӣ бо Идораи махсуси нақлиёти партовкашонӣ, Раёсати хоҷагии коммуналию манзилӣ (ЖКХ), Қитъаи истифодаи манзилҳо (ЖЭУ), Шӯъбаи кор бо маҳаллаҳо маълумоти технологӣ ҷамъ оварда шуд ва дар «ХАРИТАИ ЭКОЛОГӢ»-и шаҳри Хуҷанд истифода гардид.

Санаи 24-уми октябри соли 2016  «ХАРИТАИ ЭКОЛОГӢ»-и шаҳри Хуҷанд расман ба фаъолият оғоз кард ва гурӯҳи кории лоиҳа тасдиқ карда шуд. Усули мониторинг ва тасҳеҳи навсозиии «ХАРИТАИ ЭКОЛОГӢ» низ аз ҷониби гурӯҳи корӣ тасдиқ гардид.

Ҳамзамон, нуқтаҳои “воридотӣ”, “фосилавӣ” ва “ниҳоӣ”-и иштироки иҷрокунандагон оид ба нишондиҳандаҳои асосии «ХАРИТАИ ЭКОЛОГӢ» муайян карда шудаанд.

partov

Маъракаи маълумотдиҳӣ оид ба оғози хизматрасонии мазкур барои сокинони минтақаҳои таҷрибавӣ (пилотӣ) оғоз гардид. Бо ин ҳадаф роликҳои аудиоӣ ва видеоии ташвиқотиву тарғиботӣ барои ТВ ва РВ омода карда шуда, аллакай чанд рӯзи охир пешкаши шунавандагони радио ва бинандагони телевизион гардида истодаанд.

Барномаи нахустин бо номи “Мо ва табиат” бо бахши махсуси “Харитаи экологӣ” дар радиоҳои “Тироз” ва “Тирози Ҷавонӣ” таҳия ва санаи 29-уми октябр пешниҳоди шунавандагон карда шуд. Аз ин қабл, пас аз муаррифии лоиҳа дар МИҲД-и шаҳр хабару навидҳо дар барномаҳои иттилоотӣ пешкаши сомеон гардиданд.

Шурӯъ аз 1-уми ноябр дар барномаҳои интерактивӣ (мустақим)-и радиоҳои номбурда дар бораи Лоиҳаи “Харитаи экологӣ” барандагон сухан гуфта, доир ба иштироки бевоситаи шаҳрвандон дар амалишавии он ибрози андеша карда истодаанд. Масалан, дар барномаи интерактивии “Ҳозирҷавоб”, ки бо мақсади баланд бардоштани маърифати сиёсиву иқтисодӣ таҳия ва дар рӯзҳои корӣ соати 9:30 дақиқа пешниҳод мегардад, бахши махсуси «ЭКОЛОГИЯ» роҳандозӣ гардид.

partovgo

Ҳамзамон, мавод дар шабакаи интернетӣ – Медиапортали “Тироз” www tiroz.org омода ва ҷой дода шуд. Барои ин гурӯҳи корӣ бо ҳамроҳии намояндагони идораҳои дахлдор ба ҳамаи 10 маҳаллаи интихобшуда рафта, тарзи ҷойгиршавӣ, шумораи қуттиҳои партовпарто ва ҷадвали кори нақлиёти партовбардорро муайян ва ба акс гирифтанд, ки ҳамаи онҳо дар бахши “Эко-Харитаи Хуҷанд”-и (“Эко-Карта Худжанда”) Медиапортали “Тироз” ҷой дода шудаанд.

Шумораи маконҳои оббозӣ (расмӣ ва ғайрирасмӣ)-и шаҳри Хуҷанд низ амиқ карда шуда, дар ин бахш ҷойгир шудаанд.

Дар аввал ва охири ҳар як барномаи радиоӣ ва маводи интернетӣ ба шаҳрвандон муроҷиат ва хоҳиш карда мешавад, то дар тозагии муҳити зист саҳмгузор бошанд.

Хуҷандамонро чун ҳамешагӣ дӯст ва муҳити онро тоза нигоҳ медорем!

                                               Гурӯҳи кории Лоиҳаи “ХАРИТАИ  ЭКОЛОГӢ”

 

 

Нет комментариев

Также рекомендуем

Тахтачаи резакунии пластикӣ

Имрӯз оид ба интихоб ва истифодабарии  тахтачаи резакунии пластикӣ бароятон маълумот медиҳем.  Биёед, дӯстон, аз таърихи пайдоиши тахтачаи резакунӣ маълумот гирем. Тахтачаҳои резакуниро ҳанӯз дар ...