Тибқи маълумоти фаврии Раёсати Растанипарварӣ имсол дар ҷумҳурӣ дар майдони 19426 гектар картошка кишт шудааст. То 31.07.2015 дар хоҷагиҳои деҳқонӣ ва ҷамоавии ҷумҳурӣ ҳосили 5770 гектари он ҷамъоварӣ гардидааст, ки нисбат ба ҳамин давраи соли гузашта 1288 гектар зиёд мебошад.
Тавре, ки дар ин бора аз Вазорати кишоварзии кишвар ба АМИТ «Ховар» иттилоъ дод, то имрўз дар хоҷагиҳои деҳқонӣ ва ҷамоавии ҷумҳурӣ ба миқдори 123760 тонна картошка истеҳсол шудааст, ки нисбат ба ҳамин давраи соли гузашта 30426 тонна зиёд буда, ҳосилнокӣ аз ҳар гектар 214, 5 сентнериро ташкил медиҳад, ки дар муқоиса ба ҳамин давраи соли гузашта 6,2 сентнерӣ зиёд мебошад. Ҷамъоварии ҳосили картошка дар ҷумҳурӣ муташаккилона идома дорад.
Гуфта мешавад, ки соли ҷорӣ дар хоҷагиҳои деҳқонӣ ва ҷамоавии ҷумҳурӣ дар майдони 27364 гектар сабзавот кишт шудааст, ки то имрўз майдони 16692 гектари он ҷамъоварӣ гардидааст. Ин нисбат ба ҳамин давраи соли гузашта 2259 гектар зиёд мебошад. То 31июли соли 2015 дар ҷумҳурӣ ба миқдори 409788 тонна сабзавот истеҳсол карда шудааст, ки нисбат ба соли гузашта 79047 тонна зиёд буда, ҳосилнокӣ аз ҳар як гектар 245,5 сентнериро такшил медиҳад,ки дар соли гузашта 16,3 сентнерӣ афзунтар аст.
Дар ин бора khovar.tj хабар медиҳад.
Нет комментариев