Раиси шаҳри Хуҷанд ба манзили муроҷиаткунандагон рафт.

1
1 672 просмотров

Раиси шаҳри Хуҷанд ба манзили муроҷиаткунандагон рафт.Яке аз самтҳои сиёсати Ҳукумати Ҷумҳурии Тоҷикистон ва дастури Президенти Тоҷикистон Эмомалӣ Раҳмон ин сари вақт ҳалли мушкилоти мардум аст. Бо назардошти ин ҳар ҳафта рӯзи шанбе қабули шаҳрвандон аз ҷониби Раиси шаҳри Хуҷанд Раҷаббой Аҳмадзода ба ҳукми анъана даромадааст. Ҳафтаи гузашта баробари шаҳрвандони дигар сокини кӯчаи Ҷ. Зокиров ҳавлии № 93\6 Мавҷуда Аҳророва, сокини кӯчаи Хайрӣ Раҷабова № 22 оилаи Азимовҳо ва Абдураҳмон Саидов бошандаи кӯчаи ба номи Шарифа Раҷабова №107 ба Раиси шаҳри Хуҷанд барои ҳалли мушкилоти худ муроҷиат намуда буданд.
Раҷаббой Аҳмадзода сараввал ба манзили истиқоматии Мавҷуда Аҳророва, ки таи наздик 40 сол дар мактаб парваришгоҳи махсуси кӯдакони қувваи босираашон сусти шаҳри Хуҷанд таълим медиҳад, омад. Ин муаллимаи собиқадор аз Раиси шаҳри Хуҷанд барои таъмири манзили истиқоматиаш дархост намуда буд. Баъди шиносоӣ бо вазъи иҷтимоии Мавҷуда Аҳророва ба мутасддиёни бахши манзил ва сохтмону меъморӣ супориш дод, ки ба ҷои хонаҳои кӯҳнаю фарсудаи дар ҳолати садамавӣ қарор дошта, манзили нави истиқоматӣ бо тамоми шароитҳои мавҷуда сохта дода шавад.
Оилаи Азимовҳо ва Саидовҳо бошад дар рӯзи қабули Раиси шаҳри Хуҷанд барои беҳтар намудани шароити манзили зисти худ дархост намуда буданд. Ҳангоми боздид аз манзили ин ду оила маълум гашт, ки дар дар масоҳати 0,4 га 4 оилагӣ ба теъдоди 13-15 нафари аъзоён истиқомат мекунанд.
Раиси шаҳри Хуҷанд ба масъулини шӯъбаи манзили Мақомоти иҷроияи ҳокимияти давлатии шаҳри Хуҷанд дастур дод, ки дар фурсатҳои кӯтоҳтарин дархости оилаҳои мазкур ба комиссияи манзил пешниҳод карда шавад. Ҳамзамон ба оилаҳои номбурда кӯмаки моддӣ низ расонда шуд. Дар ин бора khujand.tj хабар медихад.

1 comment

Опубликовать новый комментарий

Также рекомендуем

Роҳҳои нави табобати бемории сил

Ба ҳамагон маълум аст, ки бемории сил дар Тоҷикистон яке аз мушкилиҳои асосӣ ва самтҳои афзалиятноки фаъолияти тамоми системаи тандурустии кишвар мебошад. Дар солҳои сипаригашта ...