Раиси шаҳри Хуҷанд муаммои бистсолаи сокинонро ҳал менамояд

2
486 просмотров

Таи чанд сол аст, ки сокинони кӯчаи ба номи Ҷ. Зокир аз ҳолати садамавӣ ва ҷамъшавии об дар мавсими бориш душворӣ мекашанд.
Барои ҳалли мушкилоти мавҷуда як гурӯҳ бошандагони кӯчаи номбурда ба Раиси шаҳри Хуҷанд Раҷаббой Аҳмадзода муроҷиат намуда, бартараф намудани ин ҳолатро дархост намуда буданд.
Бо мақсади ҳалли ин мушкилот ва шиносоӣ бо ҳалати воқеии муаммои ҷойдошта Раиси шаҳри Хуҷанд Раҷаббой Аҳмадзода бо ҳамроҳии мутасаддиёни идораҳои ободонӣ, роҳсозӣ, сохтмон, раисони маҳаллаҳо ба кӯчаи мазкур омад.
Кӯчаи мазкур аз буриши кӯчаи ба номи Фирдавсӣ оғоз ёфта то буриши кӯчаи ба номи К. Хуҷандӣ тӯл мекашад. Масофаи кӯча зиёда аз як километрро ташкил дода, барои сокинон ва муҳассилини колеҷи тиббӣ роҳи асосии пиёдагардӣ маҳсуб меёбад. Давоми 20 соли охир мардуми атрофии маҳалла ва пиёдагардон аз ноҳамвории роҳ ва ҷамъшавии зиёди об баъди бориши борон ва барф, ки барои роҳгардӣ имкон намедиҳад азият мекашанд.
Раҷаббой Аҳмадзода баъди шунидани пешниҳоди мутахассисон дастур дод, ки бояд ин муаммо пурра ҳалли худро ёбад.
Дар ҳамин замина Раиси шаҳри Хуҷанд ба идораи роҳсозӣ ва сохтмони асосӣ супориш дод, ки давоми як ҳафта якчанд намуди лоиҳаи мукаммали азнавсозӣ ва таъмири роҳи кӯчаи ба номи Ҷ. Зокировро омода намуда, барои баррасӣ пешниҳод намоянд. Дар ин бора khujand.tj хабар медихад.

2 comments

Опубликовать новый комментарий

Также рекомендуем