Раиси вилоти Суғд ба беморхонаи Конибодом маводҳои тиббӣ дастрас намуд

0
94 просмотров

Аз ҷониби Раиси вилояти Суғд Раҷаббой Аҳмадзода ба беморхонаи марказии шаҳри Конибодом корҷомаҳои муҳофизатӣ, маводҳои антисептикӣ ва маводи доруворӣ барои муолиҷаи беморон дастрас карда шуд. Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.

Ба иттилои манбаъ, 10 май дар шаҳри Конибодом Раиси вилоят Раҷаббой Аҳмадзода бо табибон ва ҳамшираҳои шафқати беморхонаи марказии шаҳр мулоқот намуда, аз шароити кори духтурон, таъминот бо доруворӣ, маводҳои антисептикӣ ва либосу таҷҳизоти муҳофизатӣ пурсон шуд.

Ба Раиси вилоят иттилоъ дода шуд, ки айни ҳол дар беморхонаи марказ шаҳри Конибодом 11 нафар бо бемораи коронавирус ва илтиҳоби шуш бистарӣ карда шудаанд. Барои муолиҷаи беморон дорувории зарурӣ мавҷуд буда, духтурон бо либосҳои фаврии якчандкарата ва махсус таъмин ҳастанд. Ҳамчунин онҳо бо шароити зарурии буду бош ва се маҳал хӯроки серғизо таъмин мебошанд.

Раиси вилоят дастур дод, ки роҳбарияти шаҳр табибонро ҳавасманд ва дастгирӣ карда, барои пешгирӣ аз паҳншавии Covid- 19 дар байни аҳолӣ корҳои ташвиқотӣ ва пешгирикунанда мунтазам бурда шаванд.

Манбаъ: АМИТ «Ховар»

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: