Рейтинги нави ФИФА: Тоҷикистон дар зинаи 148-ум

0
780 просмотров

Дар рейтинги нави Федератсияи байналмилалии ассотсиатсияҳои футбол (ФИФА), ки дар сомонаи расмии он ба нашр расид, мунтахаби футболи Тоҷикистон ду зина поин рафта, бо 193 имтиёз зинаи 150-умро ишғол мекунад.

Миёни 46 дастаи мунтахаби Конфедератсияи футболи Осиё мунтахаби Тоҷикистон дар зинаи 26-ум қарор дорад. Мақоми ҳарифони мунтахаби Тоҷикистон дар мусобиқаи марҳилаи интихобии Чемпионати ҷаҳон-2018 дар гурӯҳ чунин  аст: Австралия — зинаи 67-ум (506 имтиёз), Урдун — 82-юм (414 имтиёз), Қирғизистон — 105-ум (324 имтиёз) ва Бангладеш — 177-ум (100 имтиёз).

Бозиҳои хотимавии мунтахаби футболи Тоҷикистон дар доираи мусобиқаи марҳилаи интихобии Чемпионати ҷаҳон-2018 дар гурӯҳи «В» санаи 24 март дар меҳмонӣ бо тими Австралия ва ва 29 март дар Варзишгоҳи марказии Душанбе бо дастаи Қирғизистон баргузор мешаванд.

Рейтинги ФИФА аз соли 1993-юм ба ин сӯ тартиб дода мешавад. Имтиёзҳо ба кишварҳо аз рӯи натоиҷи дастаи мунтахаби миллиашон дар давраи чаҳор сол дода мешавад. Натиҷаи беҳтарини мунтахаби Тоҷикистон дар тамоми таърихаш дар феҳристи ФИФА ҷойи 106-ум дар моҳи июни соли 2013-ум мебошад. Натиҷаи пасттарин соли 2003 бо касби зинаи 180-ум ба қайд гирифта шудааст.

Манбаъ: http://news.tj/

Нет комментариев

Также рекомендуем

САДАМАҲОИ ҲАЛОКАТОВАР

Мувофиқи таҳлилҳои расмӣ давоми 12 моҳи соли 2014 дар роҳҳои нақлиётгарди ҳудуди вилоят бар асари содиршавии 358 ҳодисаҳои роҳу нақлиётӣ, 125 кас ба ҳалокат расида, ...
%d такие блоггеры, как:

Сообщить об опечатке

Текст, который будет отправлен нашим редакторам: