Рио-2016 (11/08)

0
602 просмотров

ҲАМКОРИ ЛОИҲА IAMDIFFERENT:

iamdifferent2

Olá amigos. Инак оғоз менамоем бо хабарҳои дастрас гардида. Мутаассифона бо Анвар Юнусов боз як варзишгари Тоҷикистон Комроншоҳи Устопириён Бразилияро бе ягон мукофот тарк мекунанд. Зеро Комроншоҳ дар рақобат бо варзишгари Гурҷистон Варлама Липартелианӣ аллакай дар даври пешакӣ мағлуб шуд.  

Инна Дериглазова

                                                         Инна  Дериглазова

Боз як иттилои хуш барои мухлисони дастаи мунтахаби Русия. Дар намуди шамшербозӣ Инна Дериглазова медали тиллоро соҳибӣ кард. Дар байни мардон бошад, варзишгар аз Венгрия Арон Силадьи беҳтарин буд.

Вазнбардор Ниҷот Раҳимов дар вазни то 77 кг барои Қазоқистон медали тиллоро бурд намуд. Байни занон то 69 кг ҳамватани ӯ Ҷазира Ҷабборкул соҳиби медали нуқра гардид. Медали тилло бошад, насиби варзишгар аз Хитой Сян Янмэй шуд.    

Боз як медали тиллоро Қазоқистон дар намуди шиноварӣ ба кӯшиши Дмитрий Баландин дар масофаи 200 метр бурд кард. Медали нуқра насиби Антон Чупков гардид.

Медали нуқраро дар намуди дучархаронӣ Олга Забелинская аз Русия, медали тиллоро Амрикоӣ Кристин Армстронг соҳиб шуданд. Дар байни мардон бошад, медали тиллоро ҳамроҳи хеш варзишгар Фабиан Канчеллар ба Шветсария мебарад.

Дар тирандозӣ ба масофаи 50 метр байни мардон Чин Чжон О аз Куриёи Ҷанубӣ ғалаба ба даст овард.

Варзишгарзан аз Хитой Дин Нин дар намуди тенниси рӯи миз ғолиб баромад. Дар мусобиқаи ниҳоӣ бошад, ӯ ҳамватани хешро мағлуб кард.

Нахустин медали тиллоро барои Испания дар намуди шиноварӣ ба масофаи 200 метр варзишгар Мария Белмонте Гарсия бурд намуд.

Ниджат Рагимов

  Ниҷот  Раҳимов

Якбора ду рекорди ҷаҳонӣ дар мусобиқаи вазнбардорӣ. Қазоқистонӣ Ниҷот Раҳимов чемпиони Олимпиадаи соли 2016 дар вазни то 77 кг шуд. Ӯ рекорди ҷаҳониро гузошт. Чемпиони олимпии Лондон Лю Сяоцзюн низ рекорди ҷаҳониро соҳиб гардид.

Шиновари Амрикоӣ Майкл Фелпс, ки чемпиони 21-каратаи олимпӣ шуда буд, бо шумораи ҷоизаҳо дастоварди Леонид Родосскоро такрор кард.

Вазнбардори Фаронса Бернаден Кингу Матам гуфт, ки метавонад медали Олимпиадаи 2016-ро соҳиб шавад. Варзишгар дар вазни 69 кг мақоми ҳафтумро гирифт. Бино ба гуфти ӯ варзишгарони пешгузашта допинг истифода кардаанд. Агар Федератсия байналмилалӣ ва МОК аз рӯи адолат кор кунанд, ман бе ягон душворӣ ба ҷойи сеюм мебароям.

Шореҳи варзиш аз Телевизиони Фаронса ҳангоми гузориш аз рафти мусобиқа аз рӯи гимнастикаи варзишӣ намояндагонии Ҷопонро ба покемони маъруфи филми тасвирӣ муқоиса кард. Ин сухан норозигии мухлисонро ба миён овард, аксарият нисбат ба корманди телевизион беҳурматӣ зоҳир намуданд.

Сокини шаҳри Сакт-Петербург Сергей Лукянов, ки ба шаҳри Рио-де-Жанейро пиёда дар муддати 496 рӯз расид, Хонаи мухлисони дастаи мунтахаби Русияро боздид намуд.

Дзюдоисти давлати Белгия Дирк ван Тихелт, ки дар Бозиҳои олимпии соли 2016 медали биринҷиро соҳиб гардид, дар макони оббозии шаҳри Копакабана мавриди ғоратгарӣ қарор гирифт.

Имрӯз дар бозиҳои тобистонаи олимпӣ 19 маҷмӯи медалҳо бурд карда мешаванд.

4 медал дар намуди шиноварӣ ва заврақронии академӣ, 2-тогӣ дар дзюдо, вазнбардорӣ, заврақронӣ дар каноэ. 1-тогӣ медал дар намуди гимнастикаи варзишӣ, тенниси рӯи миз, тирандозӣ, дучархаронӣ, регбӣ, камонварӣ ва шамшербозӣ.

медаль

Пас аз рӯзи панҷуми бозиҳо дар мақоми якум ИМА бо 11 медали тилло, дар мақоми дуюм Хитой бо 10 медали тилло ва дар ҷойи сеюм Ҷопон бо 6 медали тилло қарор доранд.

Тамошо кардани Олимпиадаро давом медиҳем.

Хайр, то вохӯрии минбаъда!

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: