Olá amigos. Инак оғоз менамоем бо хабарҳои тоза. Мутаассифона, Муҳаммадмурод Абдураҳмонов ва Анастасия Тюрина низ бе ягон мукофот ба Ватан бармегарданд. Гӯштингири тоҷик Муҳаммадмурод Абдураҳмонов дар муборизаи аввалини хеш дар вазни беш аз 100 кило ба варзишгар Алекс Гарсӣ Мендос аз давлати Куба мағлуб шуд. Аз рӯи ин вазн дар ин мусобиқа Тедди Рине аз Фаронса ғалаба ба даст овард.
Дар байни занон дар вазни беш аз 78 кг варзишгар аз Фаронса ғолиб гардид. Анастасия Тюрина ҳарчанд ки дар гурӯҳи худ ғолиб баромад, вале дар бозии дуюм мақоми 73-юмро соҳиб шуд ва ба мусобиқаи нимниҳоӣ роҳхат нагирифт.
Дастаи мунтахаби Русия оид ба камонварӣ медали тилло бурд намуданд. Дар мусобиқаи ниҳоӣ бошад, русиягиҳо дар ҳайати Темур Сафин, Алексей Черемисинов ва Артур Ахматхузин варзишгарони Фаронсаро бо ҳисоби 45:41 мағлуб намуданд.
Дар дучархаронии даставӣ байни занон Русия соҳиби медали нуқра гардид, медали тилло насиби давлати Хитой шуд. Дар байни мардон варзишгарони Британияи Кабир беҳтарин дониста шуданд.
Ҳодисаи беназир дар намуди шиноварӣ дар масофаи 100 метр рӯй дод. Аввалан, на Майкл Фелпс, балки Джозеф Скулинг аз Сингапур ғолиб баромад. Дуюм, ҷойи дуюмро якбора се варзишгар сазовор шуданд – Майкл Фелпс аз ИМА, Чад ле Кло аз Африқои Ҷанубӣ ва Ласло Чех аз Венгрия. Ҳар сеи онҳо айнан дар як вақт, яъне баробар ба марра расиданд.
Варзишгарон аз Испания Рафаэл Надал ва Марк Лопес дар мусобиқаи ниҳоии ҷуфтӣ дар намуди теннис варзишгарони давлати Руминияро мағлуб карданд.
Вазнбардори Ҷумҳурии исломии Эрон Клануш Ростам дар вазни то 85 кг медали тилло бурд намуд. Дар байни занон бошад, то 75 кг Рим Чон Сим аз давлати Хитой ғалаба ба даст овард.
Шиновар аз Амрико Майкл Фелп дар Олимпиадаи Рио-де-Жанейро чорумин медали тиллоро бурд намуд ва шумораи ғалабаи хешро то ба 22 адад расонд. 22-юмин медали тиллоро соҳиб гардида, Фелпс дастоварди таърихии варзишгари Юнонӣ Леонид Родосскийро такрор намуд. То ба имрӯз рекорди ҷаҳонӣ Леонид Родосский ҳисобида мешуд, ки ду ҳазор сол пеш зиндагӣ карда буд.
Варзишгари Эронӣ Клануш Ростам дар вазни то 85 кг дар Бозиҳои олимпии соли 2016 ғалаба ба даст оварда, рекорди ҷаҳонӣ гузошт.
Варзишгарзани 19-сола аз Амрико Кэти Ледеки дар Бозиҳои олимпӣ дар варзиши намуди озод ба масофаи 800 метр медали тиллоро бурд намуда, бо бартарии ду сония рекорди ҷаҳониро навсозӣ кард.
Дар мусобиқаи давидан Алмаз Аяна аз давлати Эфиопия нахустин медали Олимпиадаро дар Рио соҳиб гардид. Дар варзиши сабук масофаи 10 километрро ӯ дар муддати 29 дақиқаю 17 сония тай намуд ва рекорди ҷаҳонӣ нишон дод.
Клебер да Силва Рамос дар истифода бурдани допинг маҳкум карда шуд, иттилоъ додааст Inside the Games. Ӯ нахустин вазишгари давлати Бразилия мебошад, ки моддаҳои манъшударо истифода намудааст.
CAS шикояти се варзишгари аз Олимпиадаи соли 2016 барканоршударо рад кард. Аз иштирок дар Бозиҳои олимпӣ вазнбардор Томаш Зелинский аз Полша, варзишгарзан Силвия Данекова аз Болгария ва Чэн Синӣ аз Хитой барканор шуда буданд.
Директор оид ба робита бо ҷомеаи Кумитаи ташкилии «Рио-2016» Марио Андрада гуфт, ки Олимпиада дар Бразилия аз ҷониби тамошобинон бисёр маъмул гаштааст. Ҳамагӣ ба мусобиқаҳо 2 миллиарду 736 миллион чипта фурӯхта шудааст.
Имрӯз дар бозиҳои тобистонаи олимпӣ 21 маҷмӯи медалҳо бурд карда мешаванд. 5 медал дар варзиши намуди озод, 4 медал дар шиноварӣ ва заврақронии академӣ, 2-тогӣ медал дар тирандозӣ ва дучархаронӣ ва 1-тогӣ медал дар намуди аспдавонӣ, теннис, вазнбардорӣ ва шамшербозӣ.
Пас аз рӯзи ҳафтуми бозиҳо дар мақоми якум ИМА бо 16 медали тилло, дар мақоми дуюм Хитой бо 13 медали тилло ва дар ҷойҳои сеюму чорум Британияи Кабир ва Ҷопон бо 7 медали тилло қарор доранд.
Нет комментариев