Рио-2016 (17/08)

0
359 просмотров

ҲАМКОРИ ЛОИҲА IAMDIFFERENT:

iamdifferent21

Olá amigos. Оғоз менамоем аз пешниҳоди хабарҳои нав. Боксчии Бразилия Робсон Консейсау дар вазни то 60кг ғалаба ба даст овард. Дар мусобиқи ниҳоӣ ӯ варзишгари Фаронса Софян Умиаро мағлуб кард.

синхрон

Дар намуди шиноварӣ ҷуфти занони варзишгар аз Русия ИЩЕНКО ва РОМАШИНА ғолиб дониста шуданд.

Муборизи юнонӣ-римӣ аз Арманистон Артур Алексанян дар вазни то 98 кг медали тилло ба даст овард. Дар мусобиқаи ниҳоӣ ӯ варзишгари давлати Куба Ясманӣ Луго Кабреруро мағлуб намуд. Дар вазни то 66 кг ғалабаро Давор Стефанек аз Сербия соҳиб шуд. Дар мақоми дуюм Мигран Арутюнян аз Арманистон, медали биринҷӣ насиби Шмаг Болквадзе аз Гурҷистон гардид.

Дар намуди гимнастикаи варзишӣ медали тиллоро варзишгар аз Украина Олег Верняев ба даст овард, Давид Беляев аз Русия дар ҷойи сеюм қарор гирифт.

Вазнбардор аз давлати Гурҷистон Лаша Талахадзе дар вазни беш аз 105 кг беҳтарин дониста шуд, ҳамватани ӯ Ираклий Турманидзе мақоми сеюмро соҳиб гардид, медали нуқраро варзишгар аз Арманистон Гора Минасян бурд кард.

Дар намуди шиноварӣ Джайлз Скотт аз Британияи Кабир ғалаба ба даст овард.

Дар тенниси рӯи миз байни занон касе ба варзишгарон аз давлати Хитой баробар шуда натавонист, дар мусобиқаи ниҳоӣ онҳо Олмониҳоро бо ҳисоби 3:0 мағлуб намуданд.

Боз як медали тиллоро Хитой дар намуди ҷаҳидан дар об аз ҷониби варзишгар Цао Юань бурд кард.

Дар намуди шиноварӣ ба масофаи 10 км варзишгар аз Голландия Ферри Вертман беҳтарин дониста шуд.

Бехдад Салими

                                                               Беҳдод  Салимӣ

Дар Олимпиада-2016 дар мусобиқаҳои вазнбардорӣ дар вазни беш аз 105 кг ду маротиба рекорди ҷаҳон гузошта шуд. Дар аввал варзишгари Гурҷистон Лаша Талахадзе санги 215 кг-ро бардошт, ки як кг аз рекорди пештара зиёд аст. Сипас варзишгар аз Эрон Беҳдод Салимӣ дастоварди Талахадзеро боз ба як кг афзун карда ба 216 кг расонд.

Дастаи мунтахаби Британияи Кабир бо шумораи медалҳо дар Олимпиадаҳои берун аз Ватан, рекорди нав гузошт. Алҳол дар Олимпиада-2016 дар ҳисоби даста 19 медали тилло, 19 медали нуқра ва 12 медали биринҷӣ мавҷуданд ва ин кишвар дар ҷадвали асосӣ мақоми дуюмро касб кардааст. Ҳол он ки то ба охири Бозиҳои олимпӣ ҳамагӣ 6 рӯз боқӣ мондааст.

Дастаи занонаи Хитой аз рӯи тенниси рӯи миз дар намуди даставӣ дар Олимпиадаи соли 2016-ум ғалаба намуд. Дар мусобиқаи ниҳоӣ варзишгарзанони хитоӣ дастаи Олмонро мағлуб карданд. Зикр карданием, ки барои давлати Хитой пас аз ворид кардани он ба барномаҳои Бозиҳо дар соли 1988, ин аллакай 27-умин медали тилло маҳсуб мешавад.

Варзишгари Амрико Уилл Клэй, ки дар Олимпиадаи соли 2016 соҳиби медали нуқра гардид, ба духтари дӯстдоштааш Квин Харрисон ишқи беҳамтои хешро баён кард.  Ӯ баъд аз маросими мукофотсупорӣ якбора ба минбари арӯсшавандааш баромад ва барояш нигини тиллоии тӯёнаро тақдим намуд.

Намояндаи Кумитаи байналмилалии олимпӣ Марк Адамс чунин мешуморад, ки баҳогузорӣ дар намуди бокс аз рӯи адолат аст. Хотиррасон менамоем, ки норозигии мухлисон ва мутахассисон нисбат ба доварон баъд аз ғалабаи варзишгари Русия Евгений Тищенко дар вазни то 91 кг аз болои варзишгари қазоқистонӣ Василий Левит ба миён омад.

Имрӯз дар Бозиҳои тобистонаи олимпӣ охирин варзишгар аз Тоҷикистон – гурзандози маъруф Дилшод Назаров ба майдон мебарояд. Барояш комёбӣ мехоҳем.

Имрӯз дар Бозиҳои олимпӣ 15 маҷмӯи медалҳо бурд карда мешаванд. 4 маҷмӯи медалҳо дар варзиши сабук, 3 маҷмӯъ дар муҳорибаи озод, 2 маҷмӯи медалҳо дар заврақронӣ ва таэквондо, 1 маҷмӯи медалҳо дар намуди бокс, тенниси рӯи миз, аспдавонӣ ва бадминтон.

Медальный зачёт

Пас аз рӯзи ёздаҳуми бозиҳо бо 28 медали тилло дар мақоми якум ИМА, дар ҷойи  дуюм Британияи Кабир бо 19 медали тилло, дар мақоми сеюм Хитой бо 17 медали тилло ва дар ҷойи чорум Русия бо 12 медали тилло қарор доранд. Қазоқистон дар мақоми 20-ум ва Ӯзбекистон дар ҷойи 30-юм мебошанд.

Хотиррасон менамоем, ки ҳамкори лоиҳа мағозаи “IAMDIFFERENT” аст.

Тамошо кардани Олимпиадаро давом медиҳем.

Хайр, то вохӯрии минбаъда!

Нет комментариев

Также рекомендуем

Coca-Cola

В современном мире любой человек, будь то президент Америки или бездомный, первоклассница или доктор наук, на вопрос, что такое Coca-Cola, без труда даст точный ответ. ...