Рио-2016 (22/08)

0
498 просмотров

ҲАМКОРИ ЛОИҲА IAMDIFFERENT:

iamdifferent211

Olá amigos. Дар аввал чанд хабари нав аз Бозиҳои олимпӣ. Дар Рио рӯзи охирини мусобиқаҳо дар Бозиҳои олимпии соли 2016 низ паси сар шуд.

Шахобидин Зоиров

                                                             Шаҳобиддин  Зоиров

Дар намуди бокс варзишгарон аз Ӯзбекистон 2 медали тилло бурд намуданд. Шаҳобиддин Зоиров дар вазни то 52 кг ва Фазлиддин Ғоибназаров дар вазни то 64 кг ғалаба ба даст оварданд. Дар вазни беш аз 91 кг Тони Йока аз Франция ғолиб дониста шуд. Дар байни занон дар вазни то 75 кг Кларисса Шилдс аз ИМА соҳиби медали тилло гардид.

Муборизи намуди озод Сослан Рамонов аз Русия дар мусобиқаи ниҳоӣ дар вазни то 65 кг Тогрул Аскаровро аз Озарбойҷон мағлуб кард. Дар мақоми сеюм Ихтиёр Наврӯзов аз Ӯзбекистон ҷой гирифт.

Дар бозии ниҳоӣ аз рӯи волейбол варзишгарони Бразилия дастаи Италияро бо ҳисоби 3:0 мағлуб намуданд.

Дар бозии ниҳоӣ дар намуди баскетбол дастаи Сербия ба дастаи ИМА бо ҳисоби 96:66 мағлуб шуд.

Дар намуди гандбол дастаи Дания бо ҳисоби 28:26 аз болои дастаи Фаронса ғалаба ба даст овард.

Бахши Суди ҳакамии варзишӣ дар Рио-де-Жанейро аз рӯи натиҷаи кориаш дар Бозиҳои олимпии соли 2016-ум ҳамагӣ 28 парвандаро дида баромадааст, ки натиҷаи рекордӣ ҳисобида мешавад.

abdul-razak-4383-397691_478x359

Нигерия кишвари 87-ум маҳсуб мешавад, ки тавонист дар Бозиҳои олимпии соли 2016 медал бурд намояд. Ин дастовард рекорди нави Олимпиада ҳисобида шуд. Рӯзи шанбе варзишгар аз Нигерия Иссуф Абдулразоқ дар мусобиқаи таэквондо дар вазни беш аз 80 кг медали нуқра бурд намуд.

Намояндаи Ӯзбекистон Ҳасанбой Дӯстматов гирандаи Ҷоми Вэл Бэйкер дониста шуд. Ин ҷоиза ба боксчии беҳтарин аз ҷиҳати техникӣ дар Бозиҳои олимпӣ супорида мешавад. Ҷом аз соли 1936 инҷониб тақдим мегардад.

Бонувон дар намуди варзиши сабук Никкӣ Хэмблин ва Эббӣ Дагостино бо медали Пер де Кубертен сарфароз гардонида шуданд. Мукофот ба варзишгари болидарӯҳ супорида мешавад. Варзишгарзанонро ноиби президенти Кумитаи байналмилалии олимпӣ Навал Эл-Мутавакел қадр намуд.

Кумитаи ташкилии Олимпиада ба ифтихори Бозиҳо дар Рио музояда мегузаронад. Ташкилкунандагон харидани як қатор ороишоти Бозиҳои олимпӣ – аз парчамҳо, ки бо онҳо дар маросим кушодашавӣ варзишгарон гузаштанд то тӯбҳои дар мусобиқаҳо бозӣ кардашуда. Хотиррасон менамоем, ки чунин музояда пас аз Олимпиадаи соли  2012-ум гузаронида шуда, наздик 59 ҳазор евро ҷамъ овард.

Оташи Олимпӣ хомӯш карда шуд. Беш аз ду ҳафта мо ҳама дар бораи Олимпиада шунидем, тамошо кардем ва хондем. Вале ҳама чиз дер ё зуд ба фарҷом мерасад. Ҳамзамон Бозиҳои 31-уми тобистонаи олимпӣ дар Рио-де-Жанейрои Бразилия низ.

Медальный Зачёт

Дар ҳисоби ниҳоии медалҳо  ИМА бо 46 медали тилло, 37 медали нуқра ва 38 медали биринҷӣ мақоми аввалро соҳиб гашт. Дар ҷойи дуюм Британияи Кабир бо 27 медали тилло. Давлати Хитой бо 26 медали тилло дар мақоми сеюм. Дар ҷойи чорум Русия бо натиҷаи 19 медали тилло, 18 медали нуқра ва 19 медали биринҷӣ мебошад. Қазоқистон дар мақоми 22-юм ва Тоҷикистон дар ҷойи 54-ум қарор доранд.

Бо баохиррасии Бозиҳои олимпӣ барномаи мо низ ба фарҷом мерасад. Хотиррасон менамоем, ки дар давоми 4 соли оянда Олимпиада ба Осиё мерасад. Олимпиадаи навбатии тобистона дар Токио баргузор мегардад.

Хотиррасон менамоем, ки ҳамкори лоиҳа мағозаи “IAMDIFFERENT” аст.

Хайр, ҳамеша саломату сарбаланд бошед!

Нет комментариев

Также рекомендуем