Рио-2016 (23/08)

0
379 просмотров

ҲАМКОРИ ЛОИҲА IAMDIFFERENT:

iamdifferent211

Olá amigos. Ҳамон тавре иттилоъ дод будем, санаи 21-уми август дар Рио Бозиҳои 31-уми тобистонаи олимпии соли 2016 ба охир расиданд.

Церемония Закрытия Игр

Маросими пӯшидашавии он дар варзишгоҳи Маракана доир гардид. Дар ин чорабинӣ диджеи маъруфи Норвегия Киго баромад кард. Чорабинии хеле тамошобобро Роза Магалаес – профессори басаҳнагузоранда, яке аз беҳтарин ороишгарони карнавалҳо, ки ҳар сол дар Рио гузаронида мешаванд, омода ва пешниҳоди садҳо ҳазор бинандагон гардонд. Ҳамзамон, навозандагони машҳури Бразилия баромад карданд. Гузашти кишварҳои дар Бозиҳо иштироккарда низ хеле ҷолиб ва хотирмон  буд. Дар ниҳоят парчами олимпӣ ба Токио-2020 супорида шуд.

Тоҷикистон дар бозиҳо ҳамагӣ як медал бурд намуд. Вале медали тилло! Дилшод Назаров дар мусобиқа аз рӯи намуди гурзандозӣ ғалабаи бузург ба даст овард. Қайд карданием, ки Тоҷикистони соҳибистиқлол то ба имрӯз ҳам соҳиби медали тилло гардида буд. Онро соли 1992 дар Барселона гурзандози дигари маъруфи кишварамон Андрей Абдувалиев бурд карда буд. Аммо он вақт Тоҷикистон таҳти сарпарастии Иттиҳоди давлатҳои мустақил баромад кард.

Ҳамзамон метавон медали нуқраи Юсуф Абдумавлоновро дар Пекин ба хотир овард. Ва медалҳои биринҷии Расул Боқиев ва Мавзуна Чориеваро.

Дастаи мунтахаби Хитой дар Бозиҳои Рио 70 медал бурд кард, аз ҷумла 26 медали тилло ва мақоми сеюмро дар ҳисоби умумӣ соҳиб гардид. Ин натиҷа барои даста аз соли 1996 бадтарин ҳисобида шуд.

Дар Бозиҳои олимпӣ дар Рио-де-Жанейро дастаи мунтахаби ИМА мақоми аввалро касб намуд. Дастаи ИМА 121 медал, аз онҳо – 46 тилло, 37 нуқра ва 38 биринҷӣ ба даст овард. Аз рӯи шумораи умумии медалҳо Амрико дар муқоиса бо давлати Хитой 51 медал зиёдтар бурд намуд. Ин аз соли 1984 инҷониб нишондиҳандаи дуюм ва дар таърихи Бозиҳои олимпӣ нишондиҳандаи ҳафтум ба шумор меравад.

Аз рӯи шумораи медалҳое, ки дар давоми як Олимпиада бурд карда шуданд, — ин барои ИМА натиҷаи сеюм ва дар байни тамоми миллатҳо натиҷаи ҳаштум мебошад. Ҳамзамон, 121 медал барои ИМА аз рӯи шумораи он рекорди нав маҳсуб мешавад. Дастовардҳои пешин – 110 медал мебошад, ки дар Бозиҳои Пекин дар соли 2008 ба даст оварда шуд.

Кармело Энтони

 Кармело Энтонӣ

Пешсафи дастаи ИМА ва «Ню-Йорк» Кармело Энтонӣ дар таърихи Бозиҳои олимпӣ нахустин баскетболист ҳисобида шуд, ки тавонист се медали тиллоро бурд намояд. Рӯзи якшанбеи гузашта дастаи мунтахаби ИМА дар бозии ниҳоӣ дастаи Сербияро бо ҳисоби 96:66 мағлуб намуд. Энтони 32-сола дар паркет 17 дақиқаро гузаронида, 7 хол ба даст овард ва 7 подбор қабул кард. Қаблан Энтонӣ бо дастаи ИМА медали тиллоро дар Олимпиадаҳои  Пекин ва Лондон бурд карда буд, ҳамзамон медали биринҷиро дар Афина.

Хатсайри “тиллоӣ”-и олимпии дастаи мунтахаби Русия аз Рио-де-Жанейро ба Москва парвоз кард. Қафомонӣ 4,5 соатро ташкил дод. Хотиррасон менамоем, ки дар соати 16:45 дақиқа бо вақти Москва пешвозгирии варзишгарон, гирандагони медалҳои Русия ба нақша гирифта шуда буд. Вале аз сабаби каме бозистии хатсайри ҳавопаймо, фурсати пешвозгирӣ ба таъхир афтод. Сабаби дертар парвоз кардан азимҷуссагии матрёшкае аз хонаи Русия буд,  ки ба ҳавопаймо ҷой карда натавонистанд.

Беш аз ҳазор нафар низомиён ва кормандони полис тартиботу амниятро дар фурудгоҳи Галеан дар Рио-де-Жанейро дар рӯзҳои парвози оммаи зиёди иштирокдорони Бозиҳои олимпии соли 2016 назорат мекунанд.

Сафири Хитой дар Рио-де-Жанейро Сун Ян номаи шикоятиро ба ташкилкунандагони Бозиҳои олимпӣ барои истифодаи парчами кишвараш бо бо рамзҳои нодуруст дастрас кард. Дар рӯзҳои нахустин ҳангоми мукофотонии ғолибон парчами давлати Хитой бо ҷойгиршавии нодурусти ситораҳо барафрохта шуд. Баъдтар ташкилкунандагон бо ислоҳи камбудӣ маъзарат хостанд. Рӯзи якшанбеи гузашта он ҳолат такрор шуд. Баъд аз изҳороти фаврии “норозигӣ”, Кумитаи тадорукоти Бозиҳои соли 2016 ваъда дод, ки дар назди ҳукумати кишвар ва шаҳрвандони Хитой узр мепурсад.

Инак Олимпиадаи навбатиро мунтазир мешавем, ки пас ду сол дар Пхенчян баргузор мегардад ва он Олимпиадаи зимистона ҳисобида мешавад.

Логотип будущей летней Олимпиады

Соли 2020-ум бошад, моро Токио интизор аст. Боз баромади зебо ва қаҳрамониҳои Дилшод Назаров ва дар радифи ӯ варзишгарони дигари Тоҷикистонро мунтазир мешавем. Бори дигар ба Дилшод Назаров барои бурди медали тилло ташаккури зиёд мегӯем.

Ҳамзамон ташаккури бепоён ба ҳамкори лоиҳа мағозаи “IAMDIFFERENT”, ки дар давоми Бозиҳои 31-уми тобистонаи олимпӣ дар Рио моро дастгирӣ кард.

Ташаккур ба тамоми мухлисон ва хонандагоне, ки моро ҳамроҳӣ карданд.

Ҳамеша варзишро дӯст доред! Зеро, варзиш қосиди сулҳ ва кафолати саломативу дарозумрии шумост!

Хайр ҳамеша тансиҳату сарбаланд бошед!

Нет комментариев

Также рекомендуем

Филҳо аз оилаи пӯстғавсҳо мебошад

Филҳоро  оилаи пӯстғафсҳо мегӯянд. Фил ягона оилае ба ҳисоб меравад, ки аз гурӯҳи ҳайвоноти хартумдор дар синфи ширхӯрҳо мебошад. Се намудҳои филҳо мавҷудананд. Филҳои Осиёӣ (боз ...