РКҲФ ва МГ дар вилояти Суғд огоҳ менамояд

0
1 603 просмотров

Ситод оид ба ҳолатҳои фавқулодда ва мудофиаи гражданӣ дар вилояти Суғд ба маълумоти шаҳрвандон мерасонад, ки дар асоси  маълумоти Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ва барқияи телефонии Кумитаи ҲФ ва МГ-и назди Ҳукумати Ҷумҳурии Тоҷикистон ОГОҲӢ: санаҳои 31 январ то 2 феврал дар шоҳроҳҳои автомобилгард яхбандӣ, афтиши барф дар назар буда, чаронидан ва нигоҳдории чорво дар чарогоҳҳо душвор мегардад. Сардиҳо инчунин метавонанд, ба фаъолияти соҳаҳои алоқа ва энергетика ва хизматрасонии коммуналӣ таъсир расонад. Ҳамзамон санаҳои 1-2 феврал дар баъзе ноҳияҳо туман ба амал омада, қобилияти биниш дар роҳҳо паст мегардад.

Дар ҳамин иртибот Ситод оид ба ҳолатҳои фавқулодда ва мудофиаи граждании вилояти Суғд хоҳиш менамояд, ки дар ин рӯзҳо шахсоне, ки мехоҳанд ба сафар бароянд, аввалан худдорӣ намоянд, агар зарурати сафар дошта бошанд, мошинҳои худро бо таҷҳизоти зарурии мутобиқ ба шароитҳои бориши барф таъмин созанд, пеш аз сафар автомошинаи худро аз ташхис гузаронанд, занҷирпеч намоянд, бо худ занҷирҳои эҳтиётӣ бигиранд, ҳангоми ҳаракат дар чунин роҳҳо басо зарур аст, ки фосилаи ҳаракати мошинҳоро ҷиддан риоя кунанд, хеле ҳушёру эҳтиёткор бошанд, ҳаёти худ ва ҳамроҳони худро зери хатар нагузоранд!

Бо фармони Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон барои таъмини бехатарии аҳолӣ дар роҳи Душанбе-Хуҷанд-Чаноқ дар километри 62 постгоҳи навбатдорӣ ташкил карда шудааст, ҳангоми зарурат метавонанд муроҷиат намоянд.

Аз шаҳрвандоне, ки дар минтақаҳои кӯҳӣ истиқомат мекунанд хоҳиш карда мешавад, ки муваққатан аз корҳои аз қабили чаронидани чорво, Ҷамъ намудани ҳезум ва шикор худдорӣ намоянд;

Агар Шумо шоҳиди ҳолати нохуш ва ё дигар ҳодисаҳои фавқулодда шудед, фавран бо рақами (8-34-22)-5-15-55, 93-880-28-57 дар тамос шавед, дар Ситод навбатдории шабонарӯзӣ фаъолият мебарад, Дастаи махсуси зудамали наҷотдиҳӣ бо техникаву таҷҳизотҳои наҷотдиҳӣ барои кӯмаку имдоди мардум дар ҳолати омодабош қарор доранд.

 

 

Манбаъ: Раёсати Кумитаи ҳолатҳои фавқулодда ва мудофиаи гражданӣ дар вилояти Суғд

Нет комментариев

Также рекомендуем

Galaxy s8 – и ҳақиқиро аз қалбакӣ чӣ тавр фарқ кард?

Моделҳои муқаррари маъруфии смартфонҳои Samsung-ро фаъолона нусхабардормекунанд. Дастгоҳи нусхабардоришудаи чиниро ба харидорони зудбовар чунон пешниҳод менамоянд, ки гӯё он смартфонҳо аслӣ бошанд. Мутассифона кори Galaxy-и ...