Роҳбарони сохторҳои бехатарии ИДМ дар Гулистон

0
754 просмотров

Санаҳои 14-15-уми сентябри соли равон дар шаҳри Гулистон ҷаласаи 15-уми Шӯрои байнидавлатии ИДМ оид ба бехатарии саноатӣ баргузор мегардад.

Дар ин хусус аз Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон иттилоъ доданд. Интизор меравад, ки дар ҷаласаи 15-уми Шӯрои байнидавлатии ИДМ оид ба бехатарии саноатӣ масъалаҳои марбут ба таҳкими ҳамкорӣ байни сохторҳои марбут ба бехатарии саноати кишварҳои ИДМ матраҳ гардад.

Бояд тазаккур дод, ки ба ҳайати Шӯрои байнидавлатии ИДМ оид ба бехатарии саноат нӯҳ кишвари ИДМ- Тоҷикистон, Арманистон, Беларус, Молдова, Озарбойҷон, Россия, Қазоқистон, Қирғизистон ва Украина шомиланд.

Шӯро бо мақсади ҳалли проблемаҳои марбут ба бехатарии саноатӣ ва таъмини кафолати амнияти ҳаёт ва саломатии кормандоне, ки дар иншооти хатарнок кор мекунанд, инчунин ҳифзи аҳолӣ ва муҳити зист аз садамаҳои техногенӣ бо назардошти истифодаи самараноки таҷриба ва дастовардҳои илмию техникӣ созмон дода шудааст.

Мавриди зикр аст, ки ҷаласаи 14-уми Шӯрои байнидавлатии кишварҳои ИДМ оид ба бехатарии саноатӣ соли гузашта дар шаҳри Чолпон-Отаи Қирғизистон доир гардида буд.

Манбаъ: АМИТ «Ховар»

Нет комментариев

Также рекомендуем

Гений из Таджикистана завоевал золото

Высшая награда. 16-летний вундеркинд из Таджикистана завоевал золотую медаль на международной олимпиаде по математике, физике, информатике в Алматы. Подросток знает тысячи формул и решает сложные задачи. Почему ...
%d такие блоггеры, как:

Сообщить об опечатке

Текст, который будет отправлен нашим редакторам: