Роҳи халосӣ аз бехобӣ чист?

0
597 просмотров

Бехобӣ дар натиҷаи вайроншавии кори системаи асаб, асабоният, зарурати ҳал карда тавонистани мушкилотҳои ҷиддӣ, ҷароҳати рӯҳӣ бардоштан ва аз хасташавии кори фикрӣ  ба вуҷуд меояд. Бо мурури замон бехобӣ ба тару ҳароси ногаҳон омадани хоб дар давоми рӯз оварда мерасонад, ки ин омил ба саломатии инсон таъсири манфӣ дорад.

Пайдоиши бехобӣ дар миёнсолӣ ин натиҷаи нобаробарии умумӣ ва хасташавии системаи асаб, эҳсосотҳои нохуш, фикрҳои иҷборӣ ба вуҷуд меояд. Сабаби дигари бехобӣ аз дарди буғумҳо ва сутунмӯҳра вобаста мебошад.

Табобати бехобӣ. Агар дар Шумо хоҳиши хоб рафтан набошад, худро ба хобравӣ маҷбур насозед. Кӯшиш кунед, ки рӯзона хоб наравед. Беҳтараш барвақт хоб рафта, барвақт аз хоб хезед. Режим хӯрокхӯриро рио намоед. Дар давоми ҳафта кӯшиш намоед, ки як ё ду маротиба бо варзиш машғул шавед. Дар ҳолати ғазабнок будан хоб наравед. Кӯшиш намоед, ки пеш аз хоб рафтан рӯҳан ором бошед. Барои ин гирифтани массаж, медитатсия ва хондани китоби шавқовар айни муддаост. Дар як вақти муайян хоб рафтанро одат кунед. Агар хобатон наояд, бо овози паст каме мусиқӣ гӯш кунед ва ё каме китоб хонед. Аз машруботи спиртӣ истеъмол накунед.

Барои аз бехобӣ раҳоӣ ёфтан ба маслиҳатхои зерин таваҷчуҳ намоед:

– 1,5 соат пеш аз хоб рафтан 1 стакон шири гарм нушед;

– пеш аз хоб ба оби ширгарм як кошуқ асал омехта карда, нӯшед;

– қабл аз хобравӣ бо оби гули ромашка ҷӯшонида оббозӣ кунед, ба осудаҳол шуданатон мадад мерасонад;

– як стакон ҷурғотро як ҳафта пеш аз хоб кардан нӯшед;

–  2 қошук шибити (укроп) хушк кардашударо дар 2 стакон оби ҷуш давоми 10 дақиқа гарм карда, дар  як рӯз се маротиба аз он нӯшед;

– 1 қошӯқи калон хокаи гули  ромашкаро дар 1 стакан оби ҷӯш давоми 30 дақиқа гарм карда, 1 соат пеш аз хӯрокхӯрӣ 60-70 мл аз он истеъмол намоед.

Зарнигори Рустам

Нет комментариев

Также рекомендуем