Роҳи осону зебо реза кардани пиёзи кабуд

0
71 просмотров

Чи тавр пиёзи кабутро бе осеб додан ва зебо реза кардан мумкин аст? Умуман барои реза кардани сабзавот асбобу олатҳои зиёде мавҷуд аст. Вале бисёрии онҳо барои бехмева, сабзӣ, лаблабу, картошка, мева ва растанӣ пешбинӣ гардидаанд. Барги пиёзро одатан чун дар замонҳои қадим бо корд ва ё қайчӣ барои кабудӣ, ки даҳонаш аз якчанд алмосҳо иборат аст,  реза мекунанд. Ин амал чолокию маҳоратро талаб мекунад. Яъне як бандачаи пиёзи кабутро гирифта, онро чунон қапидан лозим аст, ки аз даст рехта наравад.

Резинаи оддии канселярӣ ҳалли ин масъаларо осон мегардонад. Резинаи канселяриро гирифта, ба бандчаи пиёзи кабуд мепӯшонед ва онро хоҳ бо корд ва ё хоҳ бо қайчӣ метавонед осудаҳолона реза кунед. Ҳамеша баргҳо ба чор тараф парешонро бо ангуштон ҷамъ кардан лозим нест. Танҳо лозим аст, ки бандчаи пиёзи кабуди дар резинаи канселярӣ гузошташударо  дар даст мустаҳкам нигоҳ доред.  Вақте, ки кабудиро то ба резина реза карда омадед, онро каме дуртар аз корд кашед. Ҳамин тавр бо резинаи барги пиёзрезакунанда реза кардани пиёзи кабуд осон ва қулай мегардад.

Бар замми ин боз як маслиҳат ин аст, ки пиёзро дар шакли диагоналӣ реза кардан лозим аст. Ҳамин тавр пиёзи кабут дар намуди ромб реза кардашуда нисбат ба пиёзи дар шакли муқарарӣ реза кардашуда зоҳиран хело зебо мешавад.

Зарнигори Рустам

Нет комментариев

Также рекомендуем