Роҳҳои ислоҳот ва рушди соҳаи маорифи мамлакат

0
758 просмотров

Дар Донишгоҳи славянии Россияву Тоҷикистон ҷамъомад таҳти унвони «Омӯзиш ҳамчун воситаи татбиқи дурнамои рушд» баргузор гардид.

Тавре аз Вазорати маориф ва илми Ҷумҳурии Тоҷикистон ба АМИТ «Ховар» хабар доданд, дар ҷамъомад Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода  дар бораи  роҳҳои ислоҳот ва рушди соҳаи маорифи мамлакат   ибрози назар намуда, аз ҷумла, зикр кард: «Ислоҳот ва рушди соҳаи маориф бо дастгирии Ҳукумати Ҷумҳурии Тоҷикистон, махсусан Пешвои миллат муҳтарам Эмомалӣ Раҳмон ба роҳ монда шуда, дар ин самт Сарвари давлат пешниҳодҳои сохторҳои масъулро ҳамеша дастгирӣ менамоянд. Ҷавобан ба ин ғамхориҳо аҳли маорифро лозим аст,  ки дар роҳи баланд бардоштани сифати таҳсилот ба тағйироти куллӣ ноил гарданд».

Дар ҷамъомад ҳамчунин  Вазири маориф ва илми Ҷумҳурии Тоҷикистон Нуриддин Саид дар мавзӯи мавриди назар ибрози андеша намуд.

Сипас  директори соҳаи маорифи Бонки ҷаҳонӣ хонум Кейко Мива маърӯзаи “Оид ба рушди ҷаҳонӣ-2018. Омӯзиш ҳамчун воситаи татбиқи дурнамои рушд»-ро рӯнамоӣ кард.

Кейко Мива  зимни таҳлили ислоҳоти соҳаи маориф ва дурнамои он, ки бо дастгирии Бонки ҷаҳонӣ дар давлатҳои гуногун амалӣ мегардад, роҳу усулҳои нави татбиқи онро дар Ҷумҳурии Тоҷикистон ва самтҳои нави ҳамкориро бо сохторҳои маорифи мамлакат   мавриди баррасӣ қарор дод.

Дар  ин ҷамъомад дар  мавзӯи «Дурнамои маорифро дар Ҷумҳурии Тоҷикистон чӣ тавр амалӣ сохтан мумкин аст?» байни намояндагони Маҷлиси намояндагони Маҷлиси Олии ҶТ, Бонки ҷаҳонӣ, Вазорати маориф ва илм ва  Вазорати рушди иқтисод ва савдо мубодилаи афкор     сурат гирифт.

Ёдовар мешавем, ки чунин ҷамъомад ҳамасола аз тарафи Бонки ҷаҳонӣ сурат гирифта, маводи арзишманд оид ба вазъи иҷтимоию иқтисодии ҷаҳони имрӯза таҳия ва пешкаши ҳамагон мегарданд. Таҳқиқоти имсола ба масъалаҳои маорифи Тоҷикистон бахшида шуданд.

Манбаъ — АМИТ «Ховар»

Нет комментариев

Также рекомендуем

Иҷозатномадиҳӣ дар Тоҷикистон осонтар мешавад

Палатаи поёнии парлумони ҷумҳурӣ тағйироту иловаҳои аз ҷониби ҳукумат пешниҳодшуда ба қонун «Дар бораи низоми иҷозатномадиҳӣ»-ро маъқул шуморид. Зимни шарҳи тағйироту иловаи мазкур ба ҳамтоёни ...
%d такие блоггеры, как:

Сообщить об опечатке

Текст, который будет отправлен нашим редакторам: