Роботҳои одаммонанд, механизмҳои роботикунонидашуда ва мошинҳои автоматикунонидашуда дар оянда бояд мададрасони бисёрфунктсиягӣ дар гузаронидани амалиётҳои наҷотдиҳӣ гардад. Аммо ҳамоҳангсозии ҳатто намояндагони аз ҳама муосири роботехникаҳо дар шикастпораҳои бино ё дар ҷойҳои душворҳаракат коршоямии онҳоро зери шубҳа мегузорад. Ҳоло коркардҳои техникӣ дар соҳаи пешбинишуда, ки аз зери вайронаҳо дарёфтани инсон қобил мебошанд, дар назар ноқулай, камҳаракат ва ниҳоят сусткор менамоянд. Мутахассисони Honda, ки имкониятҳои кори консептуалии роботи E2-DR-ро нишон доданд, ҳолатро қисман ислоҳ карданиянд.
Дар бораи модели Honda E2-DR нахустин маротиба дар ҳуҷҷатнигории илмӣ-тадқиқотии соли 2015-ум ёдоварӣ шуда буд. Бо гузашти ду сол ин ғоя, ки замоне танҳо дар рӯйи варақ вуҷуд дошт, бо баробари аз санҷиш гузаронидани намунаи роботи E2-DR дар амал тадбиқ гардонида шуд. Ихтирооти муҳандисони ҷопонӣ ба синфи робото-гуманоидҳо мутааллиқ мебошад. Дар ин бора мошини рост роҳгардандаи баландиаш 168 см ва скелети одаммонанд бо вазни 85 кг гувоҳӣ мидиҳад. Хусусияти фарқкунандаи роботи мазкур ин қобилиянокии он ба убур кардан тавонистани роҳ ҳангоми ҳаракат бо ду дасту пой мебошад. Инчунин қобилият аз зинапоя ба баландӣ баромадан ва дилпурона аз зина ба зина боло баромада тавонистани робот мебошад. Ба ғайр аз ин, E2-DR барои аз байни вайронаҳо гузашта тавонистан ва дар пеши роҳҳои танги паҳноияшон на камтар аз 30 см таваққуф кардан омӯзонида шудааст. Ҳавои номусоид низ роботи Honda-ро тарсонида наметавонад, зеро робот аз аввал барои то 20 дақиқа дар зери борон қарор гирифтан пешбинӣ гардидааст.
Системаи навигатсионии Honda E2-DR дорои маҷмӯи 3D-датчикҳо ва камераҳо мебошад, ки қисмати сар ва қисмати болоии танаи автоматикунонидашудаи дастгоҳ насб карда шудааст. Андозаи калони робот бо бузургии ҷисми инсон баробар мебошад. Нерӯгирии E2-DR ҳам тавассути ноқил ва ҳам ба воситаи батареяи аккумулятории 1 килловат соат имконпазир аст. Нерӯъгирӣ тавассути батареяи аккумуляторӣ то 90 дақиқа кори худмухторонаи системаро таъмин карда метавонад.
Ҳоло Honda E2-DR аз камолот дур аст ва чун аксарияти аналогҳои дигар тадқиқи пурраро талаб мекунад.
Нет комментариев