Ширкати NX Robo роботи аҷоиби хонагии BIG-i-ро намоиш дод, ки дар он функтсияҳои интеллектуалӣ амал мекунанд. Дастгоҳ метавонад ба як узви аъзои оила табдил ёбад. Дар бораи имкониятҳои кории робот дар тавсифи лоиҳа, дар Kickstarter гуфта шудааст.
Робот BIG-i чӣ корро анҷом дода метавонад?
Робот тавассути чархболҳои на он қадар калони худ дар дохили хона сайр карда метавонад. Он симо ва овози ҳар як узви аъзои оиларо шинохта метавонад ва онҳоро аз одамони бегонаю ношинос фарқ карда метавонад. Робот BIG-i инчунин сухани инсонро фаҳмида метавонад. BIG-i боз дар бораи нақшаи корҳои ҳаррӯзаатон ба Шумо ёдовар мешавад. Масалан, бароятон хотиррасон мекунад, ки ҳоло вақти машғул шудан бо тарбияи ҷисмонӣ фаро расидааст.
BIG-i бо системами 3D-биноиш муҷаҳаз гардонида шудааст, ки зуд чизи медидаашро дарк мекунад ва дорои барномаи интеллектуалӣ мебошад. Ҳар як фармоиши соҳибашро робот ба як алгоритми хурд табдил дода, сипас онро иҷро мекунад. Яъне гуфтан мумкин аст, ки баъди аз хона рафтани аҳли оила робот «чароғро хомӯш карда метавонад», лекин пеш аз иҷрои ин амал робот интизор мешавад, то ки ҳама аз хона баромада раванд.
Робот инчунин ба омӯхта низқодир аст. Оҳиста-оҳиста бо табдил ёфтан ба узви комили аъзои оила он вазифаи худро нисбатан беҳтар иҷро мекардагӣ мешавад.
Нархи робот чан даст?
Тафсири хонагии роботи BIG-i барои нахустин маблағгузорон ба 749 доллар рост омадааст. Яъне дар муқоиса он аз iPhone 7 арзонтар аст. Дар фурӯш нархи робот ду баробар қимматтар хоҳад буд. Барои дар амал тадбиқ намудани ин лоиҳа ба стартаперҳо 100 ҳазор доллар маблағ лозим шудааст.
Нет комментариев