Дар байни тамоми намудҳои гуногуни соати аз хоб бедоркунанда, ки бо усули бедоркунии оҳиста ва сахтр аз ҷойгаҳи хоб бедоршавиро таъмин мекунад, соати Ruggie ба гурўҳи соатҳои сахт аз хоб бедоркунанда дохил мешавад.
Ин соат ба истифодабаранда 100 % аз хоб бедоршавиро кафолат медиҳад. Зеро ин гаджетро танҳо аз хоб хеста, на кам се сония рост дар балояш баромада истодан овози он хомўш кардан мумкин асту халос.
Соати аз хоб бедоркунандаи Ruggie монандаи гилемчаи рўйи фарш мебошад, ки андозааш 40 ба 60 сантиметр мебошад. Он аз маҳсулоти кафкмонанди махсус сохта шудааст, ки ба инсон эҳсоси хуш мебахшад.
Ҳангоми ба болои он баромадан, дар зери вазни инсон шакли он дигар мешавад ва дар вақти аз болояш фаромадан зуд боз шакли аввалаи худро мегирад.
Вақти кори худихтиёронаи он 12 моҳро дар бар мегирад. Манбаи қувагирӣ элементи намуди АА (бо теъдоди се адад) мебошад. Боз бар замми ин мавҷудият дисплейи на он қадар калон бо таймер ва порти USB барои пайвасткунӣ ба компютер мебошад.
Ҳамоҳангӣ бо компютери шахсӣ ба дастгоҳ имкон медиҳад, ки онро мувофиқи таъби худ ҷур кунед. Суруди писандидаи худро дар намуди зангзанӣ гузошта метавонед.
Лоиҳа дар сомонаи маблағгузории «халқӣ» Kickstarter пешбарӣ карда мешавад ва аллакай маблағи заруриро барои баровардани ин соат аз истеҳсолот ба даст овардааст. Арзиш бо ҳисоби бурдарасонӣ ба манзили харидорон 110 долларро ташкил медиҳад.
Сарчашма: www.kickstarter.com
Нет комментариев