Рушди омӯзиши ҳунарҳои мардумӣ дар Суғд

0
507 просмотров

Ҷиҳати тақвият бахшидан ба раванди эҳёи ҳунарҳои миллӣ бо ташкил намудани марказҳои ҳунармандӣ, аз ҷумла қолинбофии дастӣ, адрасу атласбофӣ ва сӯзанидӯзӣ дар шаҳру ноҳияҳои вилоят як қатор корҳо ба анҷом расонида шуд. Барои омӯзонидани ҳунари қолинбофии дастӣ ба занону духтарони хонашин то имрӯз дар ҳамаи шаҳру ноҳияҳои вилояти Суғд бо ташаббуси сохторҳои мақомоти давлатии шуғли аҳолӣ ва дастгирии мақомоти иҷроияи маҳаллии ҳокимияти давлатӣ дар заминаи муассисаҳои таълимии калонсолон синфхонаҳои қолинбофӣ ташкил карда шуда, шаҳрвандон ба омӯзиш фаро гирифта шудаанд.

Дар давоми соли 2015 дар миқёси вилоят 150 марказҳои таълимӣ-истеҳсолии адрасу атласбофӣ таъсис дода шуда, дар онҳо 3000 дастгоҳ насб ва 9000 нафар кормандону шогирдон бояд ба касбомӯзӣ ва шуғл фаро гирифта шаванд.

Айни ҳол чунин марказҳои таълимию истеҳсолӣ дар ҷамоатҳои деҳоти Ҳ.Усмонов, Арбоб, Хистеварз ва Ёваи ноҳия Б.Ғафуров, ҳамчунин дар шаҳру ноҳияҳои Истаравшан, Панҷакент, Шаҳристон ва Спитамен ташкил карда шудаанд, ки мунтазам занону духтарон ба ҳунаромӯзӣ ҷалб ва бо ҷои корӣ таъмин гардида истодаанд. Дар ин бора sugd.tj иттилоъ медиҳад.

Нет комментариев

Также рекомендуем

Крем барои кӯдакон

Истифодабарандагони гироми, дар бахши имруза мо бароятон маълумотеро дар бораи крем барои кудакон пешкаш мекунем. Аввалин маротиба дар даврони иттиходи шурави истехсоли креми кудаконро солхои ...