Рустам ва Сӯҳроб – қаҳрамонони ҳоливудии коргардони тоҷик

0
523 просмотров

Дар Ҳолливуди Амрико филми як ҳунарпеша ва продюссери тоҷик ба намоиш гузошта шуд, ки достони ду бародари тоҷик аст, ки дар замони ҷанги шаҳрвандӣ аз ҳам ҷудо мешаванд ва баъд аз солҳо дар ҷанги дигаре дар рӯ ба рӯи ҳам қарор мегиранд. 

Муаллифи сенария ва продюсери Филми “Шикастнохӯрда” (Unfallen) Ҷайҳун Насимӣ гуфт, мехоҳад, бо ин филм нишон бидиҳад, ки ҳар ҷангу парокандагӣ оқибатҳои бисёр бад дорад.

Айни замон ба гуфтаи ӯ, фалсафа ва паёми филм ин аст, ки “ба мардуми Ғарб, ки гоҳо дар бораи мардуми шарқ тасаввури нодуруст доранд, нишон бидиҳем, ки дине ё миллате бад нест, балки одамоне ҳастанд, ки миллат ва ё динеро бад нишон медиҳанд.”

Қисме аз филми мазкурро дар Тоҷикистон ба навор гирифтаанд ва қисмеро, ки бояд дар Афғонистон наворбардорӣ мешуд, ба далели ноамнӣ дар он кишвар дар аёлати Вашингтон ба навор гирифтаанд. Харҷи филм ҳам кам набудааст. Яке Майкл Мадсен, аз ҳунармандони шинохта аст, ки аксарият ӯро дар филмҳои Син Сити ва Килл Билл мешиносанд. Ҷеймс Ҳонг, ҳунарпешаи чинитабор, ки дар 500 филмҳои ҳунариву телевизионӣ нақш иҷро кардааст, дар филми “Шикастнохӯрда” яке аз нақшҳои асосиро офаридааст.

Ҷайҳун, ки соли 2009-ум ба Амрико рафтааст, солҳост дар онҷо кор мекунад ва дар филмҳои мухталиф нақш иҷро кардааст.
Манбаъ: //www.centralasian.org/

 

Нет комментариев

Также рекомендуем

Калтакалос як навъ ҷонвари хазанда аст

Бино ба таснифоти зоологӣ Калтакалосҳо яке аз зеркаторҳои синфи хазандагон мебошанд (боҳтур, сусмор ва буқаламунро низ дар бар мегиранд); дарозии танаашон аз 3,5 см то ...