Сабабҳои асосии таъхири 495 парвози ҳавопаймоҳо

0
796 просмотров

Фурудгоҳи байналмилалии Душанбе (ФБД) аз фаъолият дар нимсолаи аввали соли 2018 натиҷагирӣ намуд: дар ин давра ба 611,5 ҳазор нафар мусофир хизмат расонид, ки нисбат ба ҳамин давраи соли 2017 – 0,6 фоиз зиёдтар мебошад.

Бино ба маълумти сомонаи расмии ФБД, миқдори умумии бор ва почтаи аз ҷониби анбори тиҷоратии фурудгоҳи Душанбе қабулгардида ва интиқолдодашуда 1677 тоннаро ташкил дод, ки нисбат ба ҳамин давраи соли гузашта 360 тонна ё 27,3 фоиз зиёдтар мебошад.

Гуфта мешавад, аз миқдори умумии борҳои содиршуда 192,6 тоннаро маҳсулоти кишоварзӣ ташкил медиҳанд.

Зикр мегардад, ки дар давраи ҳисоботӣ 495 ҳодисаи ба таъхир гузошташавии парвозҳо ба қайд гирифта шуд, ки нисбат ба ҳамин давраи соли 2017 – 220 ҳодиса ё 30,7 фоиз камтар аст.

«Сабабҳои асосии ба таъхир гузошта шудани парвози ҳавопаймоҳо дар фурудгоҳи Душанбе чунинанд: дер омадани ҳавопаймо аз фурудгоҳи макони парвоз – 403 ҳодиса, дахолати ширкатҳои ҳавопаймоӣ – 35 ҳодиса, номусоидии обу ҳаво – 20 ҳодиса ва ғайра», — омадааст дар маълумот.

Қайд мешавад, ки айни замон парвозҳо дар Фурудгоҳи байналмилалии Душанбе аз ҷониби 13 ширкати ҳавопаймоӣ, аз ҷумла: — 5 ширкати ҳавопаймоии мамлакатҳои хориҷии дур (“Туркиш Эйрлайнс”, “ Кам Эйр”, Хитой, “Флай Дубай”, “Осмон Эйр”), 6 ширкати ҳавопаймоии мамлакатҳои Иттиҳоди Давлатҳои Мустақил (Сибир, Ют Эйр, Урал — Россия, Авиатрафик — Қирғизистон, Эйр Астана – Қазокистон, Узбекистон хаво Йуллари) ва 2 ширкати миллии ҳавопаймоии Тоҷикистон- «Тоҷик Эйр» ва «Сомон Эйр» ба амал оварда мешаванд.

Зимнан зикр мегардад, ки аз фурудгоҳи байналмилалии Душанбе ҳавопаймоҳо ба 12 шаҳрҳои Русия, инчунин ба Қирғизистон, Қазоқистон, Ӯзбекистон, Олмон, Чин, Афғонистон, Туркия, Ҳиндустон, Аморати Муттаҳидаи Араб ва Эрон парвоз мекунанд.

 

Нет комментариев

Также рекомендуем

YouTube навъеро барои наврасони то 10 сола ихтироъ намудааст

Digit.ru, Алина Гайнуллина. Видеохостинг YouTube версияи сайти худро барои истифодабарандагони навраси то 10 соларо ихтироъ карда истодааст ва бо провайдерҳо мулоқотҳоро оиди пешкаш намудани видеоконтентҳоро барои наврасони то ...
%d такие блоггеры, как:

Сообщить об опечатке

Текст, который будет отправлен нашим редакторам: