Сабаби болоравии нархи гази моеъ дар Тоҷикистон

0
825 просмотров

Тайи чанд рӯзи охир арзиши гази моеъ дар шаҳру навоҳии Тоҷикистон қариб 15 фоиз боло рафт. Талабот ба ин навъи сӯзишвории автомобилӣ дар ҷумҳурӣ хеле зиёд аст.

Нархҳо ба гази моеъ дар нуқтаҳои фурӯши сӯзишвории ҷумҳурӣ дарҳол пас аз анҷоми моҳи шарифи Рамазон — аз 16-уми июн афзоиш ёфтанд.

Айни замон дар шаҳри Хуҷанд 1 литр гази моеъ дар нуқтаҳои фурӯши сӯзишворӣ 4 сомонию 20 дирам нарх дорад ва ин ҳам дар ҳолест, ки то 15 июн арзиши он 3 сомонию 40 дирамро ташкил медод.

Дар ширкатҳои воридкунандаи гази моеъ ба кишвар болоравии арзиши газро ба афзоиши нархи он дар Қазоқистон нисбат медиҳанд, ки қариб 80 фоизи гази моеъ аз ҳамин кишвар ба Тоҷикистон интиқол дода мешавад.

Бино ба маълумоти васоити ахбори умуми Қазоқистон, семоҳаи аввали соли 2018 нархи гази моеъ дар ин кишвар бидуни назардошти андоз аз арзиши иловашуда ба андозаи 10 фоиз боло рафтааст.

Моҳи майи соли равон парлумони Қазоқистон лоиҳаи қонун дар бораи газ ва таъминот бо газро маъқул шуморид, ки ба истеҳсолкунандагони ин навъи сӯзишворӣ барои зарар надидан имкон фароҳам овард.

Вакилони парлумони Қазоқистон қайд карданд, ки нархи мавҷудаи ҳадди ниҳоии яклухт ба гази моеъ (наздики 120 доллар) натанҳо аз нархи содиротӣ, балки аз нархи яклухт дар кишварҳои ҳаммарз ба таври назаррас пасттар аст. Онҳо ба чунин хулоса омаданд, ки ин ба содироти ғайриқонунӣ аз Қазоқистон шароит фароҳам меорад.

Бино ба маълумоти Вазорати рушди иқтисод ва савдои Ҷумҳурии Тоҷикистон, дар ҷумҳурӣ беш аз 60 фоизи нақлиёти автомобилӣ имрӯз ба сифати сӯзишворӣ аз гази моеъ истифода мекунанд.

Айни замон беш аз 30 ширкат ба интиқоли гази моеъ ба Тоҷикистон машғуланд, ки нисбатан бузургтаринашон миёни онҳо – «Газпромнефт-Тоҷикистон», «Темур ойл», «Мабдаи нур» ва «Фароз» мебошанд.

Медиапортали «Тироз»

 

Нет комментариев

Также рекомендуем

12 интересных фактов о джинсах

Уже долгие годы джинсы являются самым популярным предметом гардероба мужчин и женщин. 1.Впервые изделия из джинсовой ткани упоминались в портовых книгах Англии XVI века. В ...