Садамаҳои даҳшатовар бо муҳоҷирони меҳнатӣ

0
1 675 просмотров

Вақтҳои охир, ҳолатҳои садамаҳои марговаре, ки ба онҳо муҳоҷирони меҳнатии Тоҷикистон ва дигар мамлакатҳои Осиёи Марказӣ ба Ватан баргарданда ва ё баръакс, ба кор раванда  рӯ ба рӯ мешаванд, ба таври мунтазам ба амал меоянд. Аксаран садамаҳо дар қаламрави Қазоқистон ё Русия, ки ба воситаи онҳо муҳоҷирон мегузаранд, сурат мегиранд.

Садамаҳои автомобилӣ дар Русия ё Қазоқистон, ки дар натиҷаи онҳо муҳоҷирони меҳнатӣ аз Тоҷикистон, Ӯзбекистон ё Қирғизистон вафот мекунанд, падидаи нодир нест. Масалан, соли гузашта чунин фоҷиаҳо қариб ҳар моҳ ба амал омаданд ва яке аз онҳо, ки дар натиҷаи он 17 нафар вафот карданд — сабаби навиштани маводи рӯзномаи «Новая газета» бо номи «Автобус-руҳ ба самти марг ҳаракат мекунад (Автобус-призрак едет навстречу смерти)». Дар мақолаи мазкур муаллифон фаҳмонданд, ки чаро фоҷиаи рӯйдода бо муҳоҷирони меҳнатӣ бепарвоёна буд ва якчанд сабаберо маълум намуданд, ки дар натиҷаи онҳо муҳоҷирони меҳнатӣ дар роҳҳои автомобилгард вафот мекунанд.

Аввалан, автобусҳое, ки муҳоҷирони меҳнатиро барои кор ба Русия мебаранд, аксар вақт ҳуҷҷатҳои зарурӣ – ҳамчунин шартномаи суғуртаро надоранд. Аз ин сабаб, онҳо нуқтаҳои дидбонгоҳи БДА-ро, ки ин кор шабона осонтар аст, бо дигар роҳи ноҳамвор мегузаранд ва ин — яке аз сабабҳои садаманокии чунин хатсайрҳо мебошад.

Дуюм, дар ҳолате, ки нуқтаҳои дидбонгоҳи БДА-ро бо роҳҳои дигар мегузарад, вақт дар роҳ кашол меёбад ва ба ҷои якчанд рӯз, хатсайри мазкур як ҳафта давом мекунад, ки ба ҳолати ронандагон бе таъсир намемонад.

Сеюм, захираҳои хизматрасонии автобусҳое, ки чунин сафарҳо доранд, аз рӯи қоида, аллакай иҷро карда шудаанд, вале ба вазъияти онҳо қариб ҳеҷ кас назорат намекунад.

Ҳамаи ин ва дигар сабабҳо дар шоҳроҳҳои Қазоқистон ва Русия ба фоҷиаҳои марговаре, ки бо мунтазамии сахт рӯй медиҳанд, оварда мерасонад. Худ қазоват намоед.

                                                         ФЕВРАЛИ  СОЛИ  2017

Дар натиҷаи садамаи нақлиётӣ дар вилояти Саратов шаҳрвандони Тоҷикистон ва Ӯзбекистон вафот карданд. Онҳо муҳоҷирон буданд, ки ба Қазоқистон сафар менамуданд, то қонунгузории муҳоҷирати Русияро вайрон накунанд. Фоҷиа тақрибан соати панҷи субҳ дар наздикии деҳаи Taрумовкаи вилояти Саратов рух дод, автомобили KiaRio ба тарафи муқобили роҳ баромад, ки дар натиҷа бо NissanAlmera бархӯрд. Ҳар ду ронанда вафот карданд. Дар KiaRio чор шаҳрванди Ӯзбекистон ва ду шаҳрванди Тоҷикистон, аз ҷумла ду зан буданд, ки ҳамаи онҳо вафот карданд.

                                                          AПРЕЛИ  СОЛИ  2017

Санаи 14-уми апрел дар вилояти Ленинград 15 нафар дар натиҷаи садамаи нақлиётӣ ҷароҳати ҷисмонӣ бардоштанд. Микроавтобус бо коргарони Ӯзбекистон, Тоҷикистон, Қирғизистон ва Украина ба мошини боркашони «КамАЗ» бархӯрд. Ҷабрдидагон бо шикастани устухонҳо ва латхӯрӣ зарар диданд.

                                                               ИЮЛИ  СОЛИ  2017

Дар роҳи мошингарди аз Толяттӣ ба самти Сизран садамаи марговар ба амал омад, ки боиси фавти чор шаҳрванди Тоҷикистон гардид. HyundaiSolaris бо муҳоҷирони меҳнатӣ аз самти Толляттӣ ба сӯи Сизран ҳаракат мекард. Бо сабабҳои номаълум, он ба тарафи муқобили роҳ баромада, бо мошини боркашони RenaultMagnum бархӯрд.
Ҳамаи фавтидагон, инчунин марди ҷабрдида шаҳрвандони Тоҷикистон буданд.

                                                           ОКТЯБРИ   СОЛИ   2017

Панҷ нафар вафот карданд, шаш нафар дар шӯъбаи эҳё хобонида шуданд — ин натиҷаи садамаи даҳшатноке, ки таърихи 30-юми октябри соли 2017 дар шоҳроҳи Нижний Новгород — Саратов ба амал омад. Соати 10-и шаб дар ноҳияи Петрови вилояти Саратов микроавтобуси тамғаи «Фолксваген Каравелла» бо мошини боркашони «КамАз» бархӯрд.

Бархӯрд ба қисми пеши микроавтобус рост омад. Ду нафар дар ҷойи ҳодиса ба ҳалокат расида, ду нафари дигар дар роҳ ба беморхона, як нафар дар дасти духтурон вафот карданд. Ҳамаи онҳо — шаҳрвандони Тоҷикистон, муҳоҷирони меҳнатӣ буданд.

Дар дохили микроавтобус шаш нафар зинда монданд, вале ҳамаи онҳо дар ҳолати вазнин қарор доранд.

Мавод дар тарҷума аз матлаби Сомонаи  theopenasia.net омода карда шудааст.

 

Нет комментариев

Также рекомендуем

Как очистить сковороду от нагара?

Те сковородки, которые мы часто используем на нашей кухне обычно быстро покрываются нагаром. Сам то по себе нагар представляет плотную смесь из жира и металлической окалины. ...