Сафари кории Пешвои миллат ба шаҳру навоҳии вилояти Суғд идома дорад.

0
638 просмотров

Субҳи рӯзи якшанбе, 11-уми сентябри соли равон сафари кории Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ба вилояти Суғд аз ноҳияи Кӯҳистони Мастчоҳ оғоз гардид.

Сардори давлат дар расми ифтитоҳи хати интиқоли барқ ва оби нӯшокии шаҳраки навбунёди Меҳрон, бинои истиқоматӣ дар маркази маъмурӣ, бинои нави Мақомоти иҷроияи ҳокимияти давлатии ноҳияи Кӯҳистони Мастчоҳ иштирок намуд.

Рӯзи дигар, 12-уми сентябр Пешвои миллат мӯҳтарам Эмомалӣ Раҳмон ба ноҳияи Зафаробод ташриф оварда, дар ифтитоҳи бинои нави мактаби рақами 20, намоиши маҳсулоти кишоварзӣ ва оғози ғунучини пахта дар маҳаллаи «Бахт», оғози фаъолияти коргоҳи ҳунаромӯзии “Азиза” ва ифтитоҳи муҷассамаи Исмоили Сомонӣ ва барафрохтани Парчами миллӣ дар ноҳияи Зафаробод ширкат намуд.

Субҳи имрӯз, 13-уми сентябр дар доираи сафари кории худ ба шаҳру ноҳияҳои вилояти Суғд Президенти Ҷумҳурии Тоҷикистон мӯҳтарам Эмомалӣ Раҳмон ба ноҳияи Спитамен ташриф оварда, дар расми ифтитоҳи Корхонаи равғанбарории ҶДММ «Спитамен Ойл», корхонаи истеҳсолии Ҷамъияти саҳомии шакли пӯшидаи «Норд Азия Металл», бинои маъмурии Кумитаи идораи замин дар ноҳия иштирок кард.

Пешвои миллат аз шароиту имкониятҳои фароҳамоварда шинос шуда, ба кори босифати сохтмончиёну лоиҳакашон баҳои баланд доданд.

Бинои нави фаъолияти Кумитаи идораи замин ва корхонаи давлатии фаръии «Бақайдгирии молу мулки ғайриманқул»-и ноҳияи Спитамен дар заминаи собиқ бинои Ҷамъияти Саҳомии Кушодаи «Агропромтехснаби Нов» сохта шудааст.

Ҷиҳати фароҳамовардани шароити муосири корӣ тамоми тадбирҳои судманд амалӣ карда шудааст.

Бинои мазкур аз ду ошёна иборат буда, дорои 11 утоқи корӣ ва ошхона барои 35 ҷойи нишаст мебошад.

Корҳои таъмиру тармими куллии бино аз ҷониби Ҷамъияти дорои масъулияташ маҳдуди «Бунёдкор-С»-и ноҳияи Спитамен анҷом дода шуда, арзиши он қариб як миллон сомониро ташкил медиҳад.

Қобили қайд аст, ки то ин вақт кормандони Кумитаи идораи замин ва корхонаи давлатии фаръии «Бақайдгирии молу мулки ғайриманқул»-и ноҳияи Спитамен бинои худро надоштанд.

Ҳамзамон, Пешвои миллат мӯҳтарам Эмомалӣ Раҳмон бо роҳбарону фаъолон ва сокинони ноҳияи Спитамен мулоқоти самимӣ намуд.

Манбаъ: Сомонаи Президенти ҶТ — www.president.tj

Нет комментариев

Также рекомендуем

Теъдоди истифодабарандагони фаъоли Instagram аз 500 миллион боло рафт.

Шумораи истифодабарандагони фаъоли Instagram аз 500 миллион боло рафт, хабар медиҳад «Газета.Ru» (http://www.gazeta.ru/tech/news/2016/06/21/n_8789339.shtml) бо истинод ба хадамоти матбуотии  ширкат. Ин гуна нишондодро ба хадамотҳои бузург, ...