Нисбат ба Сафарова Латофат Саъдиевна бо моддаи 247 (қаллобӣ), қисми 4 банди «б»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, он баъди итмоми тафтиши пешакӣ ба суд ирсол гардид. Дар ин бора аз маркази матбуоти Агентии назорати давлатӣ ва мубориза бо коррупсия ба АМИТ «Ховар» хабар доданд.
Номбурда дар вазифаи мудири Муассисаи давлатии таълимии томактабии №23-и шаҳри Бохтар кор карда истода, бо истифода аз мақоми хизматиаш аз шаҳрванд Раҷабова Д.А. барои ба Донишгоҳи тиббии Тоҷикистон ба номи А.Сино дохил намудани ҷиянаш-Раҷабов И.Ф. дар давраи аз моҳи июни соли 2019 то инҷониб дар се ҳолат маблағи умумии 49 300 сомониро талаб карда гирифта, тасарруф намуда, ба манфиати номбурда ягон амал иҷро накардааст.
Манбаъ: АМИТ «Ховар»
Нет комментариев