Сафедор-сафедор аз мо ба Шумо чи даркор ?

0
764 просмотров

Бо мақсади таъмини аҳолии вилоят бо масолеҳи сохтмонии ватанӣ, истифода аз чӯбу тахтаҳои дарахтони сафедорҳои зуд бавоярасанда ва ба ин васила коҳиш додани воридоти чӯбу тахта аз хориҷи кишвар Барномаи “Эҳёи анъанаҳои миллии сафедоршинонӣ барои солҳои 2016-2020” қабул карда мешавад.

Дар ин бора қарори Раиси вилояти Суғд аз 26 ноябри соли 2015, №521 ба тасвиб расид.

Мақсади асосии Барномаи мазкур ин дастрас намудани масолеҳи сохтмонӣ ва дигар маҳсулоти чӯбӣ дар бозорҳои дохилии кишвар мебошад. Инчунин амалигардонии Барнома барои беҳтар намудани шароити иқтисодии мардум, бо ин роҳ кам кардани сатҳи муҳоҷирати шаҳрвандон ба хориҷи кишвар гардида, беҳдошти вазъи муҳити зист, кам сохтани таъсири антропогениро ба ҷангалҳои табиӣ мусоидат менамояд.

Ҳамзамон бунёди сафедорзорҳо ҷиҳати баланд бардоштани сатҳи маърифатнокии аҳолӣ оид ба самаранокии парвариши дарахтони зуд бавоярасанда дар минтақаҳои кӯҳӣ ва наздикӯҳии вилоят, эмин нигоҳ доштани қабати болоии замин, минтақаҳои муҳофизатии ҷангалзорҳо, мубориза бо биёбоншавӣ ва пешгирии эрозияи заминҳо, пайдо кардани даромадҳои иловагӣ аз фурӯши чӯби корӣ, ҳезум ва дигар масолеҳи аз чӯб тайёршаванда ва ғайраҳо саҳми назаррас дорад. Дар ин бора  sugd.tj

Нет комментариев

Также рекомендуем