Сафири навтаъйини Австрия дар Тоҷикистон Вилли Кемпелл ба Душанбе омад

0
149 просмотров

18 октябр муовини Вазири корҳои хориҷии Ҷумҳурии Тоҷикистон Музаффар Ҳусейнзода нусхаи эътимодномаи Сафири Фавқулода ва Мухтори Ҷумҳурии Австрия дар Ҷумҳурии Тоҷикистон Вилли Кемпеллро қабул кард. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар мулоқот ҳамсуҳбатон дар бораи ҳолати кунунии муносибатҳои дуҷониба, дурнамои густариши ҳамкорӣ байни кишварҳо ва масъалаҳои дигари мавриди таваҷҷуҳи муштарак табодули афкор намуданд.

Ҷонибҳо ҳавасмандии худро ҷиҳати рушди ҳамкории мутақобилан судманд дар соҳаҳои тиҷоративу иқтисодӣ, обу энергетика, маориф, кишоварзӣ ва сайёҳӣ иброз карданд.

Муовини Вазири корҳои хориҷӣ Сафири Австрияро ба муносибати ба ин вазифа таъйин гардиданаш табрик намуда, ба ӯ дар амалӣ намудани рисолати дипломатиаш дар Тоҷикистон комёбиҳо орзу кард.

Нет комментариев

Также рекомендуем

Сообщить об опечатке

Текст, который будет отправлен нашим редакторам: