Сафирони Тоҷикистон дар Қирғизистон ва Ҷумҳурии Корея эътимоднома супориданд

0
938 просмотров

Сафири Фавқулодда ва Мухтори Ҷумҳурии Тоҷикистон дар Ҷумҳурии Қирғизистон Сӯҳроб Олимзода эътимодномаи худро ба Президенти Ҷумҳурии Қирғизистон Алмазбек Атамбоев супорид. Зимни супоридани эътимоднома Сафири Тоҷикистон паёму дуруд ва таманниёти неки Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Президенти Ҷумҳурии Қирғизистон Алмазбек Атамбоев расонд. Президенти Ҷумҳурии Қирғизистон Алмазбек Атамбоев дар ҷараёни суҳбат бо сафирони тозатаъин ба масоили вобаста ба таҳким ва густариши робитаҳои дӯстӣ ва ҳамкории судбахш таваҷҷуҳи хосса зоҳир намуд. Ҳамчунин 11 июли соли 2016 Сафири Фавқулода ва Мухтори Ҷумҳурии Тоҷикистон дар Ҷумҳурии Корея Юсуф Шарифзода нусхаи Эътимодномаи худро ба муовини сардори раёсати ташрифоти Вазорати корҳои хориҷии Ҷумҳурии Корея Ли Ҷунг-ил расман супорид. Ҷонибҳо сатҳи муносибатҳои кунуниро мусбат арзёбӣ карда, омодагиашонро ба таҳкими минбаъдаи робитаҳо ва рушди шарикии иқтисодӣ байни ду кишвар таъкид намуданд. Ли Ҷунг-ил сафирро бинобар ба ин вазифа таъйин гардиданаш табрик намуда, ба ӯ ҷиҳати амалигардонии фаъолияти дипломатӣ комёбиҳо таманно намуд.

Манбаъ: http://khovar.tj/

Нет комментариев

Также рекомендуем

Интихоби «Велосипед»-у «Ролик

Тавре мо медонем, нафаре мошинронӣ, нафари дигар, аспсаворӣ ва гурӯҳе велосипедронию конкирониро дар фасли тобистон дӯст медоранд. Албатта, шуғли инсон гуногун аст ва ҳар кас ...
%d такие блоггеры, как:

Сообщить об опечатке

Текст, который будет отправлен нашим редакторам: