Саидҷалол Саидов Шоҳҷоиза — «Мерседес”-ро бурд намуд

0
1 318 просмотров

Саидҷалол Саидов, паҳлавони шинохтаи тоҷик, дар мусобиқаи гуштини миллӣ бахшида ба Иди байналмилалии Наврӯз барои «Ҷоми Пойтахт-2018″, ки 26-уми март дар «Наврӯзгоҳ«-и шаҳри Душанбе барпо гардид, бо Шоҳҷоиза автомошини сабукрави тамғаи “Мерседес” мукофотонида шуд.

Дар ин мусобиқаи бози ҷумҳуриявӣ паҳлавонон аз манотиқи мухталифи Тоҷикистон ширкат доштанд. Мусобиқа дар шаш вазн: -60 кг, -70 кг, -80 кг, -90 кг, -100 кг ва +100 кг сурат гирифт. Ғолибон бо медалу ҷоизаҳои молии шаҳрдории Душанбе сарфароз гаштанд. Ба варзишгарон барои ҷойи аввал 3000 сомонӣ, барои ҷойи дувум 1500 сомонӣ ва барои ҷойи савум 1000 сомонӣ супурда шуд.

Похожее изображение

Барои Шоҳҷоиза – автомошинаи сабукрави тамғаи “Мерседес” — паҳлавонони вазнашон аз 90 кило боло мубориза бурданд. Саидҷалол Саидов, ки дар қувваозмоии ҳалкунанда бар Абубакр Раҳмонов ғолиб омад, бо Шоҳҷоиза мукофотонида шуд.

Қабл аз шурӯи мусобиқаи гуштини миллӣ барои «Ҷоми Пойтахт-2018» фестивал ё ҷашнвораи бозиҳои варзишӣ доир гардид. Дар ин фестивал варзишгарони хурду бузург ҳунари худро дар бахшҳои мухталиф ба намоиш гузоштанд.

Картинки по запросу «Ҷоми пойтахт-2018»

Ғолибону ҷоизадорони мусобиқаи гуштини миллӣ барои «Ҷоми Пойтахт-2018″ аз рӯи шаш вазн рақобат карданд:

Вазни -60 кг
1. Сорбон Латифов
2. Хушқадам Хусравов
3. Ҷомии Ҳасан
Вазни -70 кг
1. Ориф Додов
2. Наврӯз Каримзод
3. Муҳаммад Мирзоев
Вазни -80 кг
1. Акмал Муродов
2. Мирзоҷамил Рамазонов
3. Раҳматулло Фарҳодов
Вазни -90 кг
1. Ҳоҷимашраб Раҳмонов
2. Зафар Олимшоев
3. Хуршед Шарифов
Вазни -100 кг
1. Саидҷалол Саидов
2. Ҷумъахон Назриев
3. Довуд Соҳибназаров
Вазни +100 кг
1. Абубакр Раҳмонов
2. Додохон Қурбоналиев
3. Одилҷон Сафаров
Картинки по запросу «Ҷоми пойтахт-2018»

Ёдовар мешавем, соли гузашта дар мусобиқаи бозии гуштини миллӣ барои “Ҷоми Пойтахт-2017” барои Шоҳҷоиза дар рақобати ниҳоӣ Саидҷалол Саидов бо Комроншоҳи Устопириён рақобат карда буд. Довар барои як огоҳие, ки Комроншоҳ дар аввали бозӣ гирифт, Саидҷалолро баранда эълон кард.

Манбаъ: Сомонаи расмии «Радиои озодӣ»

Нет комментариев

Также рекомендуем

Оби Зарафшон пулро бурд

Обхезӣ дар ноҳияи Кӯҳистони Мастчоҳ як кӯпрукро нобуд кард. Тавре роҳбари дастгоҳи ноҳияи мазкур Абдуллоҷон Ҳоҷиев тариқи телефони ба мо хабар дод, ин офат ба ...