Самбочиёни тоҷик дар Чемпионати ҷаҳон оид ба самбо дар Кореяи Ҷанубӣ иштирок доранд

0
106 просмотров

Аз 8 то 10 ноябр  дар шаҳри Чонгҷуи Кореяи Ҷанубӣ Чемпионати ҷаҳон оид ба самбо баргузор мешавад. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Тибқи иттилои манбаъ, дар чемпионати мазкур варзишгарони беш аз 70 давлат аз рӯи се равия – самбои варзишӣ, самбои размӣ ва самбои бонувон ширкат мекунанд. Дастаи мунтахаби Тоҷикистон оид ба самбо дар ҳайати 9 нафар — Акмалиддин Каримов (вазни -57кг), Хушқадам Хусравов (-62кг), Парвиз Додов (-68кг), Мирзоҷамил Рамазонов (-74кг), Зафар Олимшоев (-90кг), Одилҷон Сафаров (+100кг) дар самбои варзишӣ ва Сорбон Латипов (-62кг), Фаридун Одилов (-82кг), Ҷамшед Қосимов (-57кг) дар самбои размӣ бо роҳбарии сармураббӣ Носир Бозоров ба Корея сафарбар гардиданд.

Барномаи Чемпионати ҷаҳон оид ба самбо

8 ноябр
Бонувон: 48кг, 60кг, 72 кг;
Мардҳо: 52кг, 68кг, 90кг;
Самбои размӣ: 57кг, 74кг, 100кг.

9 ноябр
10:00. Мусобиқоти муқаддамотӣ
Бонувон: 52кг, 64кг, 80кг;
Мардҳо: 57кг, 74кг, 100кг;
Самбои размӣ: 62кг, 82кг, +100кг.

10 ноябр
Бонувон: 56кг, 68кг, +80кг;
Мардҳо: 62кг, 82кг, +100кг;
Самбои размӣ: 52кг, 68кг, 90кг.

Оғози рақобатҳои муқаддамотӣ – соати 6:00, финал – 14:00 бо вақти Душанбе.

Ёдовар мешавем, ки соли 2017 дар шаҳри  Сочии Россия Беҳрӯз Хоҷазода ва соли 2018 дар шаҳри Бухарести Руминия Хушқадам Хусравов ба унвони чемпиони ҷаҳон оид ба самбо даст ёфта буданд.

Манбаъ: АМИТ Ховар

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: