Samsung Galaxy Note7-ро шитобкорӣ ва хоҳиши аз Apple пеш гузаштани Samsung ба нокомӣ оварда расонид

0
330 просмотров

Дар сомонаи Bloomberg қайди аҷиберо ба нашр расониданд, ки боиси ба ҳолати ногувор дучор шудани ширкати Samsung гардид. Нашриёт ба якчанд истинодҳои иттилоотӣ такя мекунад, ки аз воқеитяти ҳол хуб огаҳӣ доранд.

Дар давоми якчанд моҳ пайи ҳам овозаҳое пайдо шуданд, ки ягон дигаргунии инқилобӣ дар iPhone 7 дида наҳоҳад шуд. Роҳбарияти Samsung дар он имкониятеро дид, ки имсол аз рақиби худ пеш гузашта метавонад. Дар натиҷа зуд якчанд функтсияҳои Samsung Galaxy Note7 тасдиқӣ худро ёфтанд ва намоиши дастгоҳро ба санаи 3 август муқаррар намуданд. Яъне дастгоҳ 10 рӯз пештар аз дастгоҳи соли гузашта намоишдодашуда пешкаши ҳаводоронаш гардонида шуд.

Бо наздикшавии санаи баргузории намоиши дастгоҳ  кормандони Samsung ва масъулони дастраскунандаи дастгоҳ қариб бидуни рӯзҳои истироҳатӣ кор карданд, зеро фишороварӣ аз ҷониби фармоишгар ниҳоят зиёд буд. Зеро нисбат ба дигар ширкатҳо  фармоиш ба дастгоҳи нави Samsung хеле зиёд буд. Корманди махфии яке аз ширкатҳо, ки дастгоҳи навро дастрас мекард, хабар дод, ки бо Samsung кор кардан душвор аст. Зеро фармоишгар ҳамеша хусусиятнокии дастгоҳро тағйир медиҳад. Баъзе кормандони ширкати Samsung дар ҷойи кор ба хоб рафтан сар карда буданд, то ки барои рафту омад вақти зиёдатӣ сарф накунанд. Маълум аст, ки дар чунин ҳолат дастгоҳ мутобиқи тамоми стандартҳо ва дар ҳаҷми пурра аз санҷиш гузаронида нашудааст.

Вақте, ки Samsung Galaxy Note7 ба фурӯш баромад, дар бораи корношоямшавии аккумуляторҳо хабар расид ва аз ин ҳолат роҳбарияти ширкат дар ҳайрат буд. Онҳо баҳс мекарданд, ки телефонҳои Samsung Galaxy Note7-ро пас гардонанд ё барномаро оид ба иваз кардани аккумулятор ба роҳ монанд. Дар натиҷа эълон карданд, ки смартфонҳои фурӯхташуда ба ширкат пурра баргардонида шаванд. Samsung Galaxy Note7-ро шитобкорӣ ва хоҳиши аз Apple пеш гузаштани Samsung ба нокомӣ оварда расонид.

Фурӯши Samsung Galaxy Note7-ро санаи 28 сентябр аз нав ба роҳ монданиянд, аввал танҳо дар Кореяи Ҷанубӣ. iPhone 7 бошад, мувофиқи андешаҳои таҳлилгарон аз рӯйи фармоишҳои пешакӣ рекорд гузошта истодааст.

Сарчашма: Bloomberg

Нет комментариев

Также рекомендуем

Замимаи AllCast пахши филмҳо аз iPhone ба ТВ

Ихтироъкунанда  Кушик Дутта  замимаи AllCast-ро баровард, ки ба ҷараёни пахши маводи ВАО (медиаконтент) таҳррезӣ шуда-мусиқӣ, филмҳо, аксҳоро аз iPhone ва iPad ба телевизор намоиш дода ...