Санҷиши рафти иҷрои қарорҳои Ҳукумати Ҷумҳурии Тоҷикистон

0
323 просмотров

Бо ташаббуси Раёсати коргузорӣ ва назорати Дастгоҳи Иҷроияи Президенти Ҷумҳурии Тоҷикистон санаи 3 июн дар миқёси вилояти Суғд санҷиши рафти иҷрои қарорҳои Ҳукумати Ҷумҳурии Тоҷикистон вобаста ба муҳоҷирати дохилӣ ва экологӣ оғоз гардид.

Гуфта мешавад, ки дар асоси ин қарорҳо қарорҳои раисони вилоятҳо ва шаҳру ноҳияҳо ба имзо расида, теъдоди муайяни оилаҳо аз ноҳияҳои камзамин – Айнӣ ва Кӯҳистони Мастчоҳ ба ноҳияи Хуросони вилояти Хатлон кӯчонида мешаванд. Ҳамзамон хонаводаҳое, ки дар минтақаҳои хавфноки шаҳру ноҳияҳои  Исфара, Хуҷанд, Панҷакент, Ғончӣ, Ашт, Шаҳристон  ва Ҷ. Расулов зиндагӣ мекунанд, дар дохили худи ҳамин шаҳру ноҳияҳо ба минтақаҳои бехавф кӯчонида мешаванд.

Дар рафти санҷиш бештар ба масъалаҳои тақсимоти замин ба муҳоҷирон, ташкили инфрасохтори зарурӣ барои маҳаллаҳои навбунёд, таъминот бо қарзҳои имтиёзнок ва фароҳам овардани шароит барои бунёди манзили зист диққат дода мешавад.

Дар доираи сафари худ намояндагони гурӯҳи санҷишӣ вохӯрӣ бо муҳоҷирони дохилию экологиро ҳам ба нақша гирифтаанд. Дар ин бора аз хадамоти матбуотии Раиси вилоят иттилоъ медиҳанд.

Нет комментариев

Также рекомендуем