Сарфарозии 50 нафар фаъолони касбу кори гуногун

0
108 просмотров

Дирўз дар толори Муассисаи давлатии «Кохи фарҳанги Суғдиён» Раиси шаҳри Хуҷанд Маъруф Муҳаммадзода зиёда аз 50 нафар фаъолони касбу кори гуногуни шаҳри Хуҷандро ба муносибати 27-умин солгарди Истиқлолияти давлатии Ҷумҳурии Тоҷикистон таҳният гуфта, ба эшон Ифтихорномаи Мақомоти иҷроияи ҳокимияти давлатии шаҳри Хуҷанд тақдим намуд.

alt

Раиси шаҳри Хуҷанд зимни баромади худ аз ҷумла гуфт, ки «Истиқлолияти давлатӣ, ки Ҷумҳурии Тоҷикистон бисту ҳафт сол муқаддам ба он соҳиб гардид, дар таърихи халқи тоҷик нодиртарин падидаи сиёсиву сарнавиштсоз мебошад. Ин рўз, барҳақ оғози давраи комилан нав дар таърихи давлатдории тоҷикон, марҳалаи тоза дар ташаккули тафаккур ва фалсафаи давлатдорӣ маҳсуб мешавад. Тавре, ки Пешвои муаззами миллат, муҳтарам Эмомалӣ Раҳмон пайваста таъкид менамоянд: «Нерўи бузурги мардуми кишвари мо, пеш аз ҳама, дар ягонагӣ ва ваҳдати шаҳрвандони он зоҳир меёбад».

Бинобар ин, барои мо таҳкими Ваҳдати миллӣ ва ҳифзи фазои орому осоишта барои зиндагиву фаъолият аз ҳама арзишҳои дигар муқаддамтар шуморида мешавад.

Маъруф Муҳаммадзода афзуд, ки чун дар тамоми гўшаву канори кишвари азизамон — Тоҷикистони соҳибистиқлол, дар шаҳри Хуҷанд низ бо дастгирӣ ва ғамхориҳои пайвастаи Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон ва нишондодҳои Раиси вилояти Суғд, муҳтарам Раҷаббой Аҳмадзода бахшида ба эълон гардидани «1300 Рўзи ободонию созандагӣ» ба ифтихори 30-солагии Истиқлолияти давлатии Ҷумҳурии Тоҷикистон корҳои ободониву бунёдкорӣ вусъати тоза мегиранд. Обод гардидани садҳо километр роҳҳо, бунёди корхонаҳои нави саноатӣ, эҳёи ҳунарҳои мардумӣ, қомат афрохтани даҳҳо иншоотҳои ҷашнӣ, муассисаҳои соҳаҳои маорифу тиб ва фарҳанг аз дастовардҳои муҳими солҳои соҳибистиқлолӣ маҳсуб ёфта, ин комёбиҳо шаҳодати равшани он аст, ки мо дар Ватани биҳиштосои худ бо меҳнати софдилонаву содиқона ва кору фаъолияти созандаву меҳанпарварона барои ҳар як фарди кишвар зиндагии шоиста ва рўзгори ободро фароҳам меоварем.

alt

Ба таъкиди Роҳбари шаҳр Давлату Ҳукумати мамлакат ҳамагуна амалҳои созандаро истиқбол намуда, барои дастовардҳо ва хизматҳои шоён подоши мувофиқро дареғ намедоранд. Сарфарозгардонӣ бо мукофоти давлатӣ шакли олии қадршиносӣ ва арҷгузорӣ ба ашхоси алоҳидаи заҳматпеша мебошад. Дар ин радиф, имрӯз аз ҷониби мақомоти иҷроияи ҳокимияти давлатии шаҳри Хуҷанд як қатор фаъолон барои меҳнати пурсамар дар роҳи рушду пешрафти ҷомеа ва корҳои ободонию созандагӣ бо ифтихорнома қадрдонӣ карда мешаванд.

Изҳори боварӣ карда шуд, ки ҳамагон таҳти сарварии Пешвои муаззами миллат, муҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода ҷашни 30-солагии Истиқлолияти давлатии Ҷумҳурии Тоҷикистонро бо дастовардҳои арзанда истиқбол мегиранд.

Сипас, беш аз 50 нафар шахсони фаъоли пурсамари касбу кори гуногуни шаҳри Хуҷанд, ки  дар роҳи пешбурди меҳнати содиқона ба нафъи давлату миллат, рушду пешрафти ҷомеа ва дастовардҳои арзандаи меҳнатӣ, иштироки фаъолона дар ҳаёти ҷамъиятӣ доштанд, аз ҷониби Раиси шаҳри Хуҷанд ба муносибати 27-умин солгарди Истиқлолияти давлатии Ҷумҳурии Тоҷикистон бо Ифтихорномаи Мақомоти иҷроияи ҳокимияти давлатии шаҳри Хуҷанд қадршиносӣ гардиданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Хонанда ва устодаш 50 ҳазор сомонӣ мукофот мегирад

Бо мақсади арҷгузории заҳмати омӯзгорон ва дастпарварони онҳо, ки ғолиби олимпиадаҳои фаннии байналмилалӣ мегарданд омӯзгорони муассисаҳои таълимии вилоят ва шогирдонашон, ки дар олимпиадаҳои байналмилилӣ сазовори ...