Саёҳат бо ширкати Tcell

0
506 просмотров

16-уми сентябри соли ҷорӣ ширкати Tcell барои намояндагони ҳудуди 20 ВАО-и вилояти Суғд сафари намоишии пойгоҳи иртиботи бесими “Оби Шифо”-ро баргузор кард. Ин деҳкадаи хурд дар минтақаи дурдаст, дар 100 километрии шаҳри Хуҷанд, дар ноҳияи Мастчош ҷойгир аст.

То чанде пеш дар ҷамоати Оби Шифо воситаи иртибот вуҷуд надошт. Ширкати Tcell нахустин ва ягона ширкати мобилиест, ки беш аз 300 нафар аз сокинони он ва қӯшинҳои сарҳадии воқеъ дар ин минтақаро бо иртиботи боэъимоди мобилӣ таъмин мекунад. Абдукарим Охунов, раиси ҷамоати Оби Шифо мегӯяд: “То замони насби Пойгоҳи иртиботи бесим, мардум маҷбур буданд ба масофаи 3 километр болои кӯҳ баромада, ба “шабака пайваст” шуда, бо телефон сӯҳбат намоянд. Имрӯз бошад, мо аз хона бароҳат  бо телефон сӯҳбат карда ба интрнет пайваст мешавем, ҳамчунин дар ҳолатҳои фавқулодда аз маслиҳати мутахассисон бемушкилӣ истифода мебарем.”

Намояндагони ВАО  дар ПИБ “Оби Шифо” бо кору фаъолияти шабака ва кормандони техникии он ошноӣ пайдо карданд.  Зимни ин сафар яке аз хабарнигорони пуртаҷрибаи Тоҷикистон — Ҷӯра Юсуфӣ ба унвони намояндаи журналистон ба  фаъолияти ин пойгоҳ расми ифтитоҳ бахшид. Хабарнигори телерадиои “Тироз” – Султонҷон Усмонов, бо истифода аз таҷҳизоти бехатарӣ ба ПИБ то баландии иҷозатшуда баромада, кори онро таҷриба кард.

Нет комментариев

Также рекомендуем

Соҳибкори тоҷик чемпиони Амрико шуд

Аз ахбори телевизион мужда расид, ки варзишгари ҷавони тоҷик Ҷовидон Сорбон дар як мусобиқаи байналмилалии муҳорибаҳои омехтаи  ИМА ҳарифи бразилиягиашро мағлуб сохта, унвони чемпионии ин ...