Дар асоси дастуру супориши Раиси вилояти Суғд мӯҳтарам Раҷаббой Аҳмадзода дар маркази вилоят шаҳри Хуҷанд дар арафаи соли нави мелодӣ хатсайри нави № 7 ба хизматрасонии мусофирон ва меҳмонони шаҳри Хуҷанд шурӯъ намуд.
Хатсайри нав аз маркази маҳаллаи «Масҷиди сурх» назди муассисаи таҳсилоти умумии № 3 шаҳр то микрониҳияи 34 ҳаракат намуда, самти ҳаракати он аз маҳаллаҳои Пахтакор, Автовокзал, хиёбони И. Сомонӣ ва ба номи Р. Ҳоҷиев то ба Автостансияи «Роҳи абрешим» муқаррар гардидааст. Масофаи умумии сайрхат 9,8 км буда дар марҳилаи аввал 6 адад автобусҳои тамғаи ЛИАЗ ба мусофирон хизмат мерасонанд.
Дар маросим оғози фаъолияти сайрхати навтаъсис Директори генералии КДК «Нақлиёти мусофиркашони шаҳри Хуҷанд» Саидхӯҷа Баҳоваддинов бо сокинони ин маҳаллаи қадима мулоқот намуда, бошандагонро бо мақсади таъсис ва самти ҳаракати хатсайри № 7 шинос намуд.
Раиси кумитаи маҳалла Муҳаммадҷон Ҳоҷибоев аз номи сокинони маҳалла ба Раиси вилояти Суғд мӯҳтарам Раҷаббой Ахмадзода ва Корхонаи давлатии коммуналии «Нақлиёти мусофиркашони шаҳри Хуҷанд» изҳори сипосмандӣ намуда, зикр намуд,ки дар арафаи соли нав ба сокинони шаҳри Хуҷанд. бо нархи дастрас фароҳам овардани имконияти қулай барои истифодаи нақлиёти ҷамъиятӣ тӯҳфаи хуб ва дастгирии арзанда аст. Лозим ба қайд аст,ки ин ҳафтум сайрхати нақлиёти ҷамъиятӣ буда, ҳамарӯза ба сокинони шаҳру ноҳияҳои вилоят бештар аз 100 адад автобус хизмат мерасонад.
Ҳамчунин имрӯзҳо бо ташаббуси роҳбарияти КДК «Нақлиёти мусофиркашони шаҳри Хуҷанд» дар автобусҳои сайрхати № 1 таҷҳизоти таъминкунандаи интернети ройгон насб гардида, корҳои санҷишӣ идома дорад.
Дар баробари ин соли оянда харидории боз 50 адад автобусҳои замонавии тамғаи « KIA» аз Корхонаи муштараки Тоҷикистону Туркия,ки дар шаҳри Душанбе истеҳсол мешавад, ба нақша гирифта шудааст.
Ин барои зиёд намудани адади сайрхат ва бештар намудани имконияти хизматрасонии нақлиёти мусофиркашонии ҷамъиятиро бештар менамояд.
Қурби расмии асъор барои имрӯз: 05.07.2022
Бонки миллии Тоҷикистон имрӯз қурби асъори нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА – 10.4554 сомонӣ; 1 евро – 10.9269 ...
Нет комментариев