Се рӯзи истироҳат дар рӯзҳои ҷашни Истиқлолият

0
798 просмотров

Сокинони Тоҷикистон дар рӯзҳои ҷашни Истиқлолияти давлатии Ҷумҳурии Тоҷикистон  се рӯз — 9, 10 ва 11-уми сентябр истироҳат мекунанд.

Зимни суҳбат ба хабарнигори АМИТ «Ховар» муовини аввали раиси Федератсияи Иттифоқҳои касабаи мустақили  Тоҷикистон  Исмоил Файзизода гуфт, ки тибқи моддаи 89-уми Кодекси меҳнати Ҷумҳурии  Тоҷикистон  агар рӯзи истироҳат ба рӯзи иди ғайрикорӣ рост ояд,   рӯзи истироҳат  ба рӯзи аввали  кории  баъд аз рӯзи  иди ғайрикорӣ гузаронида мешавад.

Соли равон  рӯзи таҷлили Истиқлолияти давлатии  Ҷумҳурии Тоҷикистон — 9 сентябр  ба рӯзи шанбе, ки рӯзи  истироҳат  аст,  рост омад. Аз ин рӯ,  рӯзи душанбе,  11-уми сентябр барои  сокинони  кишварамон рӯзи истироҳат мебошад.

Мавриди зикр аст, ки Ҷумҳурии Тоҷикистон 26 сол муқаддам — 9 сентябри соли 1991 Истиқлолияти давлатӣ ба даст овард ва ҳамчун кишвари мустақил дар харитаи сиёсии ҷаҳон зуҳур намуд.

Дар давоми бисту шаш соли истиқлолият бо сарварии окилонаи Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон мо бо вуҷуди бисёр мушкилоту монеаҳо  таҳкурсии давлати соҳибихтиёриамонро гузоштем ва ба корҳои азими бунёдкориву  созандагӣ шурўъ намудем; таъмини истиқлолияти энергетикӣ, аз бунбасти  коммуникатсионӣ раҳо намудани мамлакат ва ҳифзи амнияти озуқавории онро ба  самтҳои стратегии сиёсати давлат табдил додем; ҷиҳати таҳкими суботи иқтисодиву  иҷтимоӣ дар шароити афзалияти муносибатҳои нави иқтисодӣ ислоҳоти амиқро  пайгирона амалӣ карда истодаем.

Бо зуҳури истиқлол чун неъмати бебаҳо ва гаронмоя миллати азиятдидаву ранҷкашидаи тоҷик соҳибистиқлол гардид. Истиқлол волотарин ва пурарзиштарин дастоварди давлату миллати тоҷдори тоҷик аст. ки дар асри 20-ум ба даст омад.

Ин неъмати бузург баробари ба даст овардан, нуру зиё, меҳру вафо, ободию озодӣ, ҳамфикрию ҳамзиcтӣ ва осоиштагиву абадиятро ба мардуми бузурги тоҷик ва Тоҷикистони азизу маҳбуб овард.

Истиқлолият шиносномаи ҳастии давлат, комилҳуқуқӣ ва соҳибихтиёрӣ, низоми давлатдорӣ ва бузургии миллат аст, ки сиёсати дохилию хориҷӣ, иқтисодӣ, вазъияти иҷтимоиву фарҳангии миллатро ривоҷу равнақ медиҳад. Истиқлол рамзи соҳибдавлатӣ ва ватандории миллати сарбаланду мутамаддини тоҷик аст, ки номаи тақдирашро бо дасти хеш навишта, роҳу равиши хосса ва мақому мавқеи муносибро дар ҷомеаи ҷаҳонӣ пайдо кард ва набзи давлату миллати моро ба набзи сайёра ҳамсадо месозад.

Дар арафаи ҷашни 26-умин солгарди Истиқлолияти давлатии Ҷумҳурии Тоҷикистон ҳамаи Шумо — ҳамватанони азизу меҳрубонро бо ин санаи фархунда табрику таҳният намуда, бароятон саломативу сарбаландӣ ва дар кору фаъолияти пурсамаратон нерӯи тоза ва комёбиҳои нав орзумандем.

Бигузор, ҷашни Истиқлолият ба кишвари мо шукуфоӣ ва пешравии ҳамаҷониба ва ба мардуми шарифи Тоҷикистон саодату пирӯзии комил оварад!

 

Нет комментариев

Также рекомендуем

Нигоҳубини пӯсти рӯ, даст ва мӯйҳо

Дар фасли тирамоҳ ва зимистон маҳсулоти ғанӣ аз витаминҳоро истеъмол намоед. Витамини А дар мавсими сармо пӯстро аз хушкшавӣ ҳифз мекунад. Ин витамин дар таркиби ҷигари ...