Сегоникҳо ба мактаб мераванд

0
439 просмотров

Сегоникҳо Фотима Зӯҳро ва Кибирё мактабрав шуданд. Падари онҳо Камолиддин камолов гуфт, ки  чанд сол боз дар орзуи мактабхон шудани сегоникҳо буд. Субҳи санаи 1 сентябр волидайни сегоникҳо Камолиддин ва Нориниссо аз дасти духтаракон гирифта роҳ ба сӯи мактаб пеш гирифтаанд.

Камолиддин: Ҳар як кас мехоҳад фарзандашонро ба мактаб диҳад. Аз они мо се то ҳаст барои ҳамин ният доштам, ки ҳарсеаш мактаб равад

Ташрифи сегоникҳо ба мактаб таваҷҷӯҳи ҳозиронро ба худ ҷалб кард. Онҳо акнун дар мактаби таҳсилоти миёнаи умумии №50-и ҷамоати деҳоти Унҷӣ таҳсил мекунанд. Дар мактаби рақами №50-и ҷамоати деҳоти Унҷӣ хонандагони синфи аввалро бо тантана қабул карданд. Омӯзгорон дар як ҷамъомади идона, ки ба Иди дониш бахшида шуда буд ба   хонандагон хониши хубу аълоро таманно намуданд.

Аз рӯи тақсимот минбаъд Фотима, Зӯҳро ва Кибирё дар синфи 1А таҳсил мекунанд. Дар қатори онҳо боз 30 нафар хонандагоне, ки нав ба синни 7 расидаанд, таҳсил мекунанд. Дар рӯзи нахустини соати дарсӣ муаллимаи синфҳои ибтидоӣ ба онҳо аз сулҳу ватандӯстӣ ҳарф зад.  Фотимаву Зӯҳро ва Кибирё бошанд шеърҳои то ин вақт аз худ кардаашонро қироат карданд.

Бино ба гуфти модари сегоникҳо аз вақти таваллуд то имрӯз зери таваҷҷӯҳи мақомоту оила ҳастанд. Дар арафаи соли нави хониш низ масъулин якчанд имтиёзҳоро ба сегоникҳо муқаррар карданд.  Зеро бори нахуст аст, ки дар даҳ солаи охир сегоник ба мактаби ҷамоати деҳоти Унҷӣ меояд. Фотимаву Зӯҳро ва Кибирё моҳи август нав ба синни 7 қадам гузоштанд. Волидонаш мегӯянд, ки онҳо аз хурди серғайратанд. Дар аз худ кардани шеъру афсона низ шавқи зиёд доштанд. Бобои сегоник гуфт, ки онҳо минбаъд барои таълими духтаракон ҷудогона корбарӣ мекунанд. Аз рӯи гуфти омӯзгорон имсол ба мактаби таҳсилоти миёнаи умумии № 50 Унҷӣ 61 нафар ба синфи якум қабул карда шуданд, ки 43 нафарашон духтаракон мебошанд. Онҳо ба ду синфхона ба таҳсил ҷалб шудаанд. Маъмурияти мактаб барои хуби ссегоникҳо имтиёзҳои махсусро ваъда кардаст. Падари 29 сола ва модари 27 солаи сегоникҳо гуфтанд, ки акнун онҳо ба нияти худ расиданд. Тавлиди сегоник аҳён-аҳён сурат мегирад. Ин сегоникҳо низ соли 2008 дар Хуҷанд таваллуд ёфта буданд. Ҳоло сегоникҳо дар деҳаи Унҷӣ ҳамроҳи падару модар ва бародарашон зиндагӣ мекунанд.

Нет комментариев

Также рекомендуем

ПАНОРАМА НЕДЕЛИ

Президент Республики Таджикистан Эмомали Рахмон принял исполнительных директоров группы Всемирного банка. На встрече были обсуждены вопросы взаимовыгодного сотрудничества, в том числе поддержки социально-экономического развития Таджикистана ...