“Секинак” клипи нави Тахмина Ниёзова

0
579 просмотров

Сарояндаи хушсадои тоҷик Тахмина Ниёзова клипи нави хешро бо номи “Секинак” дар асоси суруди бобояш, сарояндаи машҳуру маҳбуби шашмақомсаро Боймуҳаммад Ниёзов, пешкаши мухлисону ҳаводоронаш гардидааст.

Клип бо иштироки кормандони телевизиони “Сафина” омода карда шуда, он дар шаҳрҳои Ҳисор ва Норак ба навор гирифта шудааст. Чуноне худи Тахмина мегӯяд:

Суруди “Секинак”-ро  ба бобоям Боймуҳаммад Ниёзов бахшидаам.

Тахмина Ниёзова 14-уми феврали соли 1989 дар шаҳри Душанбе таваллуд шудааст. Ӯ асосан бо забонҳои тоҷикӣ, русӣ ва англисӣ суруд мехонад.

Таҳмина Ниёзова соли 2008 дар озмуни байналмилалии овозхонони эстрада иштирок намуда, барандаи озмуни “Панҷ ситора. Интервидение” гардида буд.

Маҳз ҳамин муваффақият ӯро миёни ҳаводорони санъати сарояндагӣ маъруф кард.

Соли 2012 Донишгоҳи славянии Русияву Тоҷикистонро бо дипломи аъло хатм кардааст.

Соли 2003 дар синни 14-солаги Тахмина Ниёзова ғолиби аз ҳама навраси озмуни «Ситораҳои асри нав» дониста шуд. Соли 2006 вай дар фестивали «Индиго хит» иштирок кард ва дар соли оянда — бо Сипосномаи озмуни «Суруди беҳтарин» сарфароз гардид.

Соли 2008 Тахмина дар фестивали «Суруди сол-2007» бо Дипломи фестивал қадрдонӣ карда шуд.

Дар озмуни «Панҷ ситора. Интервидение» Тахмина Ниёзова мукофоти олӣ — Шоҳҷоизаро бо гирифтани 216 бал аз ҷониби доварон ба даст овард. Вай ҳамчунин дар шарти «Дебют Интервидение» бо ҷоиза барои иштирокчии аз ҳама ҷавон сарфароз гардид.

Соли 2012 дар шарти «Маъруфи сол»-и Фестивали ҷумҳуриявии «Чило-2012» ғолиб баромад.

Таҳмина аз оилаи ҳунармандони тоҷик мебошад. Бобояш Боймуҳаммад Ниёзов (1927–2009), сарояндаи машҳури Шашмақом буд.

Манбаъ: Сомонаи Тоҷикистон таймс

 

Нет комментариев

Также рекомендуем