«Селфи» — камера дар шакли шишаи атр

0
454 просмотров

Коркард шудани камера дар шакли шишаи атр аз ҷониби ширкати Sony, ки то ин вақт ҳамчун ҳангома миёни мардум чарх мезад, асос гузошт. Дар ин бора хабаргузориҳои хориҷӣ хабар медиҳанд.

Ин гаҷети ғайриоддӣ, тибқи маълумоти дарҷгардида аллакай барои фармоиш пешакӣ дастраси истифодабарандагон шудааст. Ҳоло ин дастгоҳ номи Sony Cyber-shot DSC-KW1 / WC-ро ба худ касб кардааст.

«Селфи»-камера бо 19,2 мегапикселаи сенсорӣ, зуми даҳкарата, линза бо фокус дар 21 миллиметр ва ғайра иборат аст. Акси бардошташударо метавонед дар дисплейи 3,3 дюма тамошо кунед.

"Селфи" - камера дар шакли шишаи атр

Ин дастгоҳ махсус барои худаксгирӣ ё селфи равона карда шудааст, аммо онро дар дигар ҳолатҳо низ метавон истифода кард, менависад Vesti.ru.

Инчунин, худи фотомодули камера 180 градус давр мезанад. Дар баробари ин, дорои NFC  ва Wi-Fi мебошад. Ҳамин тавр истифодабарандагон метавонанд аксҳои бардошташударо дар он ҳифз кунанд ё ин ки дар шабакаҳои иҷтимоӣ ҷой диҳанд. Ҳамзамон аксҳоро метавонед дар корти microSD ҳифз кунед.

"Селфи" - камера дар шакли шишаи атр

Феълан арзиши ин «атр-камера»-и ғайриоддӣ на камтар аз нархи смартфон арзёбӣ мешавад. Ҳоло дастгоҳ танҳо дар бозорҳои чинӣ ба фурӯш гузошта шудааст, ки 845 доллар мебошад. Дар назар аст, аввалин воридоти ин навъи камера дар бозорҳои ҷаҳонӣ охирҳои моҳи сентябр сурат гирад.

Ширкати Sony ин гаҷетро махсус барои духтарони чинӣ коркард кардааст, ки бештар ба чунин чизҳои ғайриоддӣ майл доранд. Зеро духтарони чинӣ дар ҷойҳои ҷамъиятӣ барои «селфи» кардан шарм медоштаанд. Аммо бо ингуна дастгоҳ ҳолати аксбардорӣ ба монанди пошидани атр вонамуд мешавад, — навиштааст Gizmag.

 

Нет комментариев

Также рекомендуем