Хуҷанд узви Ассотсиатсияи байналмилалӣ шуд

0
116 просмотров

Шаҳри Хуҷанд узви комилҳуқуқи Ассотсиатсияи байналмилалии филиали Авруосиёии ташкилоти умумиҷаҳонии «Шаҳрҳои муттаҳид ва идораҳои маҳаллӣ» шуд.

Дар ин бора, дар нишасти охирини Ассамблеяи генералии ин ташкилоти байналхалқӣ, ки дар Чебоксарии Федератсияи Руссия бо ҳузури 10 кишвар, зиёда аз 70 шаҳр сурат гирифт, қарор қабул карда шуд ва шаҳодатнома ба намояндаи Мақомоти иҷроияи ҳокимияти давлатии шаҳри Хуҷанд тақдим гардид.

Ҳамчунин тибқи қарори Ассамбелияи генералии ин нишаст Раиси шаҳри Хуҷанд Маъруф Муҳаммадзода ба узвияти Шӯрои Ассотсиатсияи байналмилалии Филиали Авруосиёии «Шаҳрҳои муттаҳид ва идораҳои маҳаллӣ» пазируфта шуд.

alt

Дар чорабинӣ роҳбарони филиалҳо, намояндаҳои шаҳрҳо, ассотсиатсияҳои мақомоти маҳаллӣ ва коршиносони байналмилалӣ аз Арманистон, Испания, Русия, Туркия, Тоҷикистон, Қирғизистон, Африқои Ҷанубӣ, Абхазия, Алҷазоир ва Муғулистон иштирок намуданд.

Ҷоиз ба зикр аст, ки Ассотсиатсияи байналмилалии филиали Авруосиёии Ташкилоти умумиҷаҳонии «Шаҳрҳои муттаҳид ва идораҳои маҳаллӣ» (UCLG VO) Ассотсиатсияи ихтиёрии созмонҳои иттифоқҳои касаба, иттифоқҳо ва шаҳру ноҳияҳои инфиродӣ, ки дар соли 2004 ба таври самарабахши татбиқи ҳуқуқҳои шаҳрвандон ба ҳукумати маҳаллӣ таъсис дода шудааст.

Ассотсиатсияи байналмилалии филиали Авруосиёии Ташкилоти умумиҷаҳонии «Шаҳрҳои муттаҳид ва идораҳои маҳаллӣ» сохтори пуриқтидор ва таъсирбахш дар соҳаи тақвият додани ҳамкории ҳукуматҳои маҳаллӣ, намояндагии онҳо дар сатҳи байналмилалӣ ва татбиқи принсипҳои демократӣ мебошад. Имрӯз Ташкилоти умумиҷаҳонии «Шаҳрҳо ва идораҳои маҳаллӣ» зиёда аз 1000 шаҳр ва ассотсиатсияҳоро муттаҳид намуда, беш аз нисфи аҳолии ҷаҳон намояндагӣ мекунад. Ассотсиатсияи байналмилалии филиали Авруосиёии Ташкилоти умумиҷаҳонии «Шаҳрҳои муттаҳид ва идораҳои маҳаллӣ» аз 7 филиалҳои минтақавӣ иборат аст.

Ассотсиатсияи байналмилалии филиали Авруосиёии Ташкилоти умумиҷаҳонии «Шаҳрҳои муттаҳид ва идораҳои маҳаллӣ» идеяҳои ҳукумати маҳаллӣ дар арсаи байналмилалӣ ҳифз менамояд, мақоми шаҳрҳоро дар сатҳи ҷаҳонӣ ҷаҳон эътироф мекунад, баҳри ҷалби сармоягузорӣ ва рушди сайёҳии шаҳрҳои узви он ҷаҳд менамояд. Ҳамчунин ҷиҳати таҳкими ниҳодҳои демократӣ, тарҳрезии барномаҳои фаъолият баҳри рушди худидоракунии маҳаллӣ, табодули таҷрибаи шаҳрҳо ва ғайраҳо чорабииҳо пиёда менамояд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Курс сомони к мировым валютам на 18 апреля 2018 года

Национальный банк Таджикистана для целей учета и таможенных платежей установил на 18.04.2018 официальные курсы следующих иностранных валют к сомони Республики Таджикистан: Доллар США-8.8500 смн, Евро-10.9448 смн, Российский ...